Reshjet e dendura të shiut që filluan këtë të mërkurë kanë shkaktuar kaos në qytetin bregdetar të Durrësit, duke e lënë qytetin të përmbytur. Pas disa orësh reshje të pakontrolluara, rrugët kryesore të qytetit u kthyen në lumenj, duke bllokuar qarkullimin e automjeteve dhe duke vështirësuar lëvizjen e qytetarëve.
Situata ka dalë jashtë kontrollit dhe siç duket edhe në disa video të siguruara nga Syri, uji ka hyrë brenda shtëpive, duke prekur mobiljet dhe orenditë shtepiake të banorëve.
Sipas informacioneve nga emergjencat civile, deri tani janë përmbytur deri në 400 banesa dhe ky numër pritet të rritet, pasi kanalet e kullimit janë të bllokuara.
