Klubi i Barcelonës ka njoftuar se të shtunën mbrëma ka vdekur doktori i ekipit të parë të skuadrës, Carles Minarro Garcia. Për këtë arsye është shtyrë ndeshja mes Barcelonës dhe Osasunas e cila ishte paraparë të luhet nga ora 21:00.
Siç kanë raportuar mediat spanjolle mësohet se lojtarët e Barçës s’kanë qenë në dijeni për rastin dhe janë njoftuar nga presidenti i klubit, pak pasi kishin mbërritur në stadium.
Edhe lojtarët e Osasunas që po nxeheshin në fushë janë informuar dhe janë larguar.
Futbollistët e Barçës pasi u është kumtuar lajmi nga presidenti i klubit, Joan Laporta, kanë mbetur të shokuar.
