Gjykata e Ekstradimeve në Londër ka miratuar kërkesën e drejtësisë shqiptare për të ekstraduar në Shqipëri një tjetër britanik të përfshirë në grupin e survejimit që ndihmoi në vrasjen e biznesmenit Ardian Nikulaj në Shëngjin.
Bëhet fjalë për Steven Hunt, ndaj të cilit avokatët ngritën pretendimin se ai vuan nga një sëmundje onkologjike, pas arrestimit të tij në Londër disa muaj pas vrasjes.
Gjykatësi Daniel Sternberg, i Gjykatës së Westminster-it, vlerësoi se Shqipëria ofron kushte të mjaftueshme për trajtimin e të burgosurve që vuajnë nga sëmundje të tilla, duke e aprovuar ekstradimin e Hunt.
Kjo pasoi vendimin për ekstradimin e katër të tjerëve, Edmond Haxhisë, Thomas Mithan, Harry Simpson dhe Harriet Bridgeman, më 27 gusht 2024.
Në vijim, Gjykata e Lartë në Londër do të marrë vendimin përfundimtar për ekstradimin e të pandehurve të tjerë. Ata akuzohen për vrasje në bashkëpunim, me prokurorinë e Lezhës që ka ngritur akuza për to.
Ruben Saraiva, i akuzuar si ekzekutues i vrasjes së Nikulajt, u ekstradua nga Maroku në Dhjetor 2023 dhe procesi gjyqësor ndaj tij nisi në muajt e fundit.
Hetimet, të cilat janë kryer në bashkëpunim me policinë britanike, kanë treguar se pas vrasjes qëndron një investim prej rreth 1 milion eurosh, të cilat u mobilizuan nga ata që kishin lidhje me familjen Nikulaj.
Marre nga Gszetareforma.com
