Ethet e Champions League vazhdojnë sonte me një mbrëmje spektakolare, ku do të përcaktohen katër çerekfinalistët e fundit të edicionit aktual.
Vëmendja kryesore është te përballja mes Barcelonës dhe Newcastle, e cila nis në orën 18:45 në “Camp Nou”.
Pas barazimit 1-1 në Angli, gjithçka mbetet e hapur dhe të dy skuadrat synojnë kualifikimin.
Barcelona, nën drejtimin e Hansi Flick, kërkon të shfrytëzojë faktorin fushë.
Në një tjetër duel shumë interesant, Liverpool tenton një përmbysje të madhe ndaj Galatasarayt, pas humbjes minimale 1-0 në Stamboll.
“The Reds” do të mbështeten tek atmosfera në “Anfield” për të ndryshuar fatin e këtij kualifikimi.
Ndërkohë, Bayern Munich është me një këmbë në çerekfinale, pasi ka shkatërruar Atalantën me rezultatin 6-1 në ndeshjen e parë.
Gjermanët pritet vetëm të administrojnë avantazhin në takimin e kthimit në shtëpi.
Sfida tjetër e mbrëmjes zhvillohet në Londër, ku Tottenham Hotspur pret Atletico Madrid.
Spanjollët kanë një avantazh të madh 5-2 nga ndeshja e parë, por londinezët do të tentojnë mrekullinë para tifozëve të tyre.
Një natë e madhe futbolli pritet të dhurojë emocione dhe surpriza, ndërsa gara hyn në fazën më vendimtare të saj.
Marrë nga Syri TV
