Nuk prodhoi fitues derbi mes Realit dhe Atletico Madrid, sfidë e cila u mbyll në barazim 1-1.
Ishte një përballje e luftuar nga të dyja ekipet, me “Los Colchoneros” që kaluan të parët në avantazh.
Julian Alvarez zhbllokoi rezultatin në minutën e 35-të, me një penallti për të cilën kishte kontestime nga vendasit.
Në fraksionin e dytë, Reali barazoi shifrat me Mbappe në minutën e 50-të.
Me këtë barazim, Real Madrid mban vendin e parë me 50 pikë, ndërsa Atletico në vendin e dytë me 49 pikë.
Tani Barcelona ka mundësinë të afrohet me dy skuadrat e kreut.
