Lando Norris do të niset sonte i pari në Çmimin e madh të Shteteve të Bashkuara të Amerikës.
Piloti britanik vendosi kohën më të shpejtë në provat zyrtare duke lënë pas rivalin e tij, Max Verstappen.
Piloti holandez u rendit i dyti me një diferencë tepër të vogël (+0.031), teksa në vendin e tretë u pozicionua makina Ferrari e Carlos Sainz.
Nga vendi i katërt do të niset shoku i tij i skuadrës, Charles Leclerc, me monegaskun që la pas tij Piastri-n.
Surprizë mund të konsiderohet Gasly, me francezin që u pozicionua në vendin e shtatë, menjëherë pas britanikut Russell.
Gara e Amerikës do të zhvillohet këtë të diel në orën 21:00, ndërsa premton shumë, pasi dueli për titullin kampion Norris-Verstappen do të nisë që në metrat e para, me holandezin që kryeson kampionatin me 339 pikë i ndjekur nga britaniku me 285 pikë, teksa në vendin e tretë qëndron Leclerc me 250 pikë.
