Një futbollist i Premierligës është arrestuar me akuzën se ka bërë një kasetë seksuale pa pëlqimin e partneres. Siç raporton “The Sun” në publikimin e saj ekskluziv, autoritetet kanë arrestuar lojtari rreth 20 vjeç gjatë javës dhe në fakt gjatë stërvitjes, para syve të bashkëlojtarëve të tij që kanë mbetur të tronditur nga ky zhvillim dhe në fillimisht ata menduan se ishte një shaka.
Konkretisht, gjatë stërvitjes së mëngjesit, dy oficerë policie kanë ndërprerë programin dhe e kanë ftuar lojtarin t’i ndjekë në në një ambient të brendshëm, ku dyshohet se ka qëndruar për t’u marrë në pyetje për gjashtë orë, përpara se të lirohej.
Identiteti i tij mbetet i fshehur për momentin, megjithatë, ai është një futbollist që është edhe pjesë e kombëtares së vendit të tij, siç thuhet në këtë gazetë, dhe akuzohet për “krijim të një kasete seksi pa pëlqim”.
Policia thuhet se u thirr për të ndërhyrë pasi “një grua akuzoi futbollistin se i filmonte fshehurazi duke bërë seks, pavarësisht se ajo i kërkoi atij të mos e bënte këtë” , pasi ajo “u ndje e poshtëruar kur ai i kërkoi asaj të largohej disa minuta pasi kishin përfunduar aktin e tyre të dashurisë”.
Një burim i tha Sun: “Shumë futbollistë fillimisht menduan se ishte një shaka kur dy policë me uniformë hynë në fushë gjatë stërvitjes. Të gjithë ishin të shtangur. Lojtarët kanë mbetur pa fjalë. Askush nuk ishte i sigurt se çfarë po ndodhte”. Përveç arrestimit, policia sekuestroi edhe dy celularë të lojtarit për të kontrolluar materialin audio-vizual që dispononte.
Marrë nga The Sun
