Kryeministri i Kosovës, Albin Kurti ditën e sotme ndodhet në Sarajevë dhe nesër do të marrë pjesë në seancën e Rrethit 99 në Bashkinë e qytetit. Në lidhje me këtë vizitë ka reaguar presidenti i entitetit të Republikës Serbe, Milorad Dodik. Përmes një postimi në “X” Dodik u shpreh se Kurti është përgjegjës për sulmet e shumta ndaj popullit serb dhe vendeve të shenjta ortodokse.
Dodik më tej shtoi se Kurti është mirëpritur në Sarajevë me respekt ndërsa ai si presidenti i zgjedhur i serbëve në Bosnje dhe Hercegovinë është në gjyq. Sipas tij ai është në gjyq sepse nuk respekton ligjet të cilat nuk janë vendosur në vullnet të popullit, por nga zyrat e atyre që qëndrojnë sot pas këtij provokimi. Dodik thekson se dikush po nxiton të krijojë kaos në Bosnje dhe Hercegovinë.
“Kurti po vjen në Sarajevë për të folur për pakicat kombëtare, unë si president i Republikës Srpska dhe anëtar i popullit përbërës, po vij në Sarajevë për të marrë pjesë në gjykatë. Ndërsa Kurti, i cili është përgjegjës për sulmet e shumta ndaj popullit serb dhe vendeve të shenjta ortodokse, është mirëpritur në Sarajevë me respekt, unë, presidenti i zgjedhur i serbëve në Bosnje dhe Hercegovinë, jam në gjyq sepse nuk respektoj ligjet që kanë qenë nuk kaloi nga vullneti i popullit, por në zyrat dhe kuzhinat e atyre që qëndrojnë sot pas këtij provokimi. Dikush duket se po nxiton të krijojë kaos në Bosnje dhe Hercegovinë”, ka shkruar Dodik në “X”.
Ai më tej në reagim shkruan se vizita e Kurtit është një një provokim i hapur dhe një fyerje për të gjithë serbët dhe një konfirmim se Sarajeva po përdoret si platformë për zbatimin e politikave që nuk kanë të bëjnë me paqen, bashkëpunimin dhe respektimin e të drejtave. Sipas tij vizita e Kurtit në Sarajevë nuk është as gjest vullneti i mirë dhe as kontribut për stabilitetin rajonal. Ai thekson se kjo vizitë është një përpjekje tjetër për të delegjitimuar popullin serb dhe për të poshtëruar Republikën Srpska.
“Fotot që lajmërojnë me entuziazëm ardhjen e këtij lideri separatist janë simbol i mosrespektimit dhe poshtërimit të popullit serb. Kjo vizitë është një provokim i hapur, një fyerje për të gjithë serbët dhe një konfirmim se Sarajeva po përdoret si platformë për zbatimin e politikave që nuk kanë të bëjnë me paqen, bashkëpunimin dhe respektimin e të drejtave.
Vizita e Albin Kurtit në Sarajevë nuk është as gjest vullneti i mirë dhe as kontribut për stabilitetin rajonal. Është një përpjekje tjetër për të delegjitimuar popullin serb dhe për të poshtëruar Republikën Srpska. Ne nuk do ta pranojmë këtë! Sarajeva duhet të turpërohet që është kthyer në një skenë për lavdërimin e atyre që janë më përgjegjës për vuajtjet e serbëve. Republika Srpska nuk do të qëndrojë e heshtur përballë provokimeve të tilla dhe gjithmonë do të mbrojë dinjitetin e popullit serb”, tha Dodik.
Marrë nga Koha.net
