Përmirësohet moti, Ministria e Arsimit: Aktualisht, mësimi i pezulluar vetëm në 17 shkolla

Ministria e Arsimit dhe Sportit informoi se ka nisur mësimi në shumë shkolla në vend me përmirësimin e kushteve të motit dhe vijon pezullimi i përkohshëm i procesit mësimor në 17 shkolla, për shkak të kushteve atmosferike.

Situata në përgjithësi po shkon drejt përmirësimit dhe mbetet problematike në pak shkolla, në zona si Dibër, Klos, Mirditë, Pogradec, etj., ku kushtet e motit e bëjnë ende të pamundur zhvillimin e procesit mësimor.

1. Shkolla 9- vjeçare Selishte, Dibër
2. Shkolla 9-vjeçare “Fiqiri Cani”, Lishan i Poshtëm, Dibër
3. Shkolla e Mesme e Bashkuar “Ajet Ndreu” Sllove, Dibër
4. Shkolla 9- vjeçare “Shemsi Haka” Dibër
5. Shkolla e Mesme e Bashkuar “Miftar Krrashi” Arras, Dibër
6. Shkolla e Mesme e Bashkuar “Nikoll Kaçorri” Lurë, Dibër
7. Shkolla “Jani Fullani”, Bulqizë
8. Shkolla e Mesme e Bashkuar Xibër- Klos
9. Shkolla e Mesme e Bashkuar “Ndrec Ndue Gjoka” Fan, Mirditë
10. Shkolla 9- vjeçare “Zenel Bastari” Tiranë
11. Shkolla 9-vjeçare “Vilëz” Tiranë
12. Shkolla e Mesme e Bashkuar “Ibrahim Bozhiqi”, Qafe, Elbasan
13. Shkolla 9-vjeçare Gur i zi, Elbasan
14. Shkolla 9-vjeçare “Ramë Karagjozi” Qerret, Elbasan
15. Shkolla 9-vjeçare Serice, Elbasan
16. Shkolla 9-vjeçare “Isuf Deliu” Mollagjesh, Elbasan
17. Shkolla e Bashkuar “Ibrahim Ceka” Funar, Elbasan.

Gjatë fundjavës dhe ditët e para të javës zonat veriore, qendrore dhe juglindje të vendit u përfshinë nga reshje dëbore dhe ulje temperaturash, duke sjellë edhe vështirësi për zhvillimin e rregullt të procesit mësimor. Ministria e Arsimit dhe Sportit për shkak të situatës së rënduar nga moti i keq, rekomandimeve të autoriteteve përgjegjëse për emergjencat civile, si dhe raportimet nga zyrat vendore arsimore pezulloi përkohësisht procesi mësimor në disa shkolla, ku reshjet e dendura të dëborës dhe kushtet e vështira të motit e bëjnë të pamundur zhvillimin e mësimit.