Një studente e Fakultetit Juridik në Beograd është goditur nga një makinë gjatë bllokadës në kryqëzimin e rrugëve.
Ajo u lëndua rëndë dhe ndodhet në spital në rrezik për jetën.
Policia serbe ka identifikuar dhe ka gjetur shoferin me inicialet M. P. 38 vjeç, i cili siç dyshohet ka goditur me makinë vajzën 20- vjeçare dhe më pas është larguar me shpejtësi. Dyshohet se në automjet ndodheshin edhe dy persona të tjerë.
Shoferi ka vazhduar rrugëtimin duke bërë që vajza të përfundojë e përplasur në asfalt. Ekipi i emergjencës ka mbërritur me shpejtësi në vendngjarje dhe ka transportuar vajzën në spital.
Qytetarët dhe studentët e Fakultetit të Inxhinierisë Elektrike, Juridikut, Arkitekturës, Inxhinierisë Mekanike, Inxhinierisë së Ndërtimit dhe Teknologjisë-Metalurgjisë, kanë bllokuar sot për 15 minuta kryqëzimin e Ruzveltit dhe Mbretëreshës Mari, për të nderuar viktimat e rënies së çatisë në stacionin hekurudhor në Novi Sad.
Marrë nga Top Channel
