Tre rajone në Francën Perëndimore mbeten në alarm të kuq nga përmbytjet e sotme dhe qyteti Redon, pothuajse i izoluar, po përgatitet për një kulm historik.
E rrethuar nga lumenj, këneta dhe një kanal, zona Redon në Ille-et-Vilaine, në kufi me Morbihan dhe Loire-Atlantique, e cila ka gati 10 000 banorë, është veçanërisht e prekur.
”Solidaritet me njerëzit atje që po përballen me përmbytjet”, shkroi presidenti Emmanuel Macron në X.
“E di mobilizimin dhe gjendjen e krijuar. Faleminderit për punën e bërë me ekipet e tyre dhe shërbimet shtetërore, angazhimin e të cilëve e përshëndes”, shtoi ai.
Në total, që nga e diela, më shumë se 1 000 persona janë evakuuar në rajonin e Ille-et-Vilaine.
Këto përmbytje, të cilat nuk shkaktuan viktima, patën pasoja të shumta edhe në bujqësi, me stalla të përmbytura dhe fidanë të humbur.
Marrë nga Gazeta-shqip.com
