Miliarderi amerikan, Elon Musk ka reaguar së fundmi në postim të një përdoruesi në lidhje me pengimin fizik të pretenduar të agjencisë DOGE (Departamenti i Efikasitetit të Qeverisë) në procesin e rishikimit të operacioneve të agjencisë amerikane USAID nga punonjës të USAID-it.
Në një postim në X, Musk shkruan se USAID është një organizatë kriminale dhe se është koha që ajo të vdesë. Në postimin e përdoruesit thuhet se dy zyrtarët e lartë të USAID-it, John Voorhees dhe zëvendësi i tij, janë dërguar me leje të detyruar, pra janë pezulluar, pasi ata u përpoqën të pengonin fizikisht zyrtarët e DOGE që të hynin në sistemet e USAID-it. Ai theksoi se USAID është një fole gjarpërinjsh e marksistëve të majtë radikalë që urrejnë Amerikën.
Komenti se “USAID është një organizatë kriminale” është përsëritur nga Musk në një tjetër postim. Musk reagoi në një tweet të përdorues, Mike Benz, i cili shkruante se kishte dhënë 50 orë leksione private live për abonentët e tij “X” për USAID dhe rolin e tij të profilit të lartë në censurën e internetit, krijimin e strukturave të kontrollit politik mbi shoqërinë dhe rolin e tij kyç në punën e fshehtë të CIA-s.
Komentet e Elon Musk për agjencitë e financuara nga Departamenti i Shtetit nuk përfunduan vetëm me USAID-in, pasi ai përmendi gjithashtu National Endowment for Democracy (NED) i cili njihet për financimin e projekteve të zhvillimit të demokracisë në mbarë botën.
Musk shkroi se NED është një mashtrim, i cili ishte në përgjigje të një postimi të një prej përdoruesve, i cili shkroi 20 shembuj të korrupsionit që përfshin NED, bazuar në informacionin e disponueshëm.
Marrë nga Daily Mail
