Situata e burgjeve në Itali është kritike për shkak të mbipopullimit. Qeveria ka marrë iniciativën për të adresuar këtë problem përmes krijimit të moduleve të parafabrikuara, me një tender të planifikuar për në 10 prill për kompanitë e interesuara për të paraqitur propozimet e tyre.
Ky projekt synon të japë një zgjidhje të shpejtë dhe efikase, me qëllim zgjerimin e ambienteve ekzistuese dhe përmirësimin e kushteve për të burgosurit. Ndërsa, si shembull janë marrë kabinat e lëvizshme të vendosura në Shëngjin dhe Gjadër të Lezhës. Specialsitët italianë kanë konfirmuar sigurinë e tyre, sipas tyre, ato janë më të vogla, praktike, të cilat mund të lëizen pa shumë kosto.
Brenda datës 10 prill, do të dorëzohen ofertat për ndërtimin e këtyre 16 “blloqeve të paraburgimit të transportueshëm dhe të çmontueshëm” që kushtojnë 2 milionë euro secila.
Këto blloqe janë të parafabrikuara në beton, të standardizuara dhe të transportueshme, të pajisura jo vetëm me 6 x 5 metër hapësirë të përbashkët, banjo, por edhe qeli izolimi, dyqan, dhomë psikologu dhe palestra, si dhe sisteme të avancuara sigurie, secila e krijuar për të akomoduar 24 të burgosur dhe për të rritur kapacitetin e burgjeve me vetëm 384 vende, me një kosto prej rreth 83 mijë euro secili.
Kjo është një zgjidhje ndërtimi e miratuar tashmë në vende të tjera evropiane, edhe nëse vendet shtesë janë shumë të pakta për të shmangur pragun kritik të mbipopullimit të burgjeve, që në disa raste është afër 200%.
Marrë nga Newsbomb.al
