Numri i të vdekurve nga tërmeti shkatërrues i Birmanisë ka tejkaluar shifrën 3,000, me qindra të tjerë të zhdukur.
Parashikimet për shi po paraqesin një sfidë të re për punonjësit e shpëtimit dhe të ndihmës që po përpiqen të gjejnë të zhdukurit në vendin e shkatërruar nga lufta civile.
Të premten e kaluar tërmeti me magnitudë 7,7 ballë ka goditur vendin në Azinë Juglindore me 28 milionë banorë, duke rrëzuar ndërtesa, duke rrafshuar komunitetet dhe duke lënë shumë pa ushqim, ujë dhe strehim.
Vdekjet kanë arritur në 3,003 të mërkurën, me 4,515 të plagosur dhe 351 të zhdukur, ka njoftuar në Facebook ambasada e Birmanisë në Japoni.
Që nga tërmet janë kryer 53 transporte ajrore të ndihmave në Birmani, ka njoftuar ambasada në Japoni në postimin e saj, ndërsa më shumë se 1,900 punonjës shpëtimi kanë mbërritur nga 15 vende, duke përfshirë fqinjët e Azisë Juglindore dhe Kinën, Indinë dhe Rusinë.
Pavarësisht shkatërrimit, shefi i juntës, Min Aung Hlaing do të largohet nga vendi i tij i goditur nga fatkeqësia të enjten, për një udhëtim të rrallë në një samit rajonal në Bangkok, ka njoftuar televizioni shtetëror.
Është një vizitë e pazakontë e huaj për një gjeneral të konsideruar si një i pabesë nga shumë vende, dhe i cili është po ashtu subjekt i sanksioneve perëndimore dhe një hetimi të Gjykatës Penale Ndërkombëtare (GJNP).
Marrë nga Reuters
