Presidenti Donald Trump ka njoftuar se do të nënshkruajë një urdhër ekzekutiv këtë mëngjes, i cili do të ulë çmimet e barnave me recetë dhe atyre farmaceutike “pothuajse menjëherë” nga 30% deri në 80%.
Në një postim në Truth Social të dielën në mbrëmje, Trump tha se planifikon të nënshkruajë një urdhër ekzekutiv.
“Do të nënshkruaj një nga Urdhrat Ekzekutiv më të rëndësishëm në historinë e vendit tonë. Çmimet e Barnave me Recetë dhe Farmaceutikëve do të ULEN, pothuajse menjëherë, nga 30% në 80%”, shkroi ai. “Do të zbatoj një POLITIKË TË KOMBIT MË TË FAVORIZUAR, me anë të së cilës Shtetet e Bashkuara do të paguajnë të njëjtin çmim si Kombi që paguan çmimin më të ulët kudo në botë.”
Ky urdhër ekzekutiv vjen në një kohë kur administrata Trump po kërkon gjithashtu të vendosë tarifa mbi importet farmaceutike , të cilat ishin përjashtuar nga taksat e tilla të miratuara gjatë mandatit të parë të presidentit. Tarifat mund të përkeqësojnë mungesat e disa barnave, veçanërisht të barnave gjenerike, dhe përfundimisht të rrisin çmimet.
Marrë nga Newsbomb.al
