Arrestohet në Tiranë një shtetas i huaj i shpallur në kërkim ndërkombëtar i akuzuar për veprën penale të mashtrimit.
Në bazë të informacioneve të shkëmbyera me partnerët ndërkombëtarë është bërë e mundur lokalizimi dhe kapja e 26-vjeçarit me origjinë nga Kazakistani në Tiranë.
Ndaj shtetasit A. T., Gjykata Speciale e Almaty ka vendosur masën e sigurisë “arrest me burg” për veprën penale “Mashtrimi”.
“Finalizohet operacioni policor i koduar “Fugitive”.
Kapet në Tiranë dhe arrestohet me qëllim ekstradimin në Kazakistan, 1 shtetas i shpallur në kërkim ndërkombëtar për mashtrim.
Në vijim të punës për lokalizimin dhe kapjen e shtetasve në kërkim ndërkombëtar, bazuar dhe në informacionet e siguruara për vendndodhjen e një shtetasi në kërkim, specialistët për Hetimin e Krimit Ekonomik dhe Financiar të DVP Tiranë shkëmbyen informacion me Interpol Tiranën dhe organizuan punën për lokalizimin dhe kapjen e tij.
Si rezultat, në bulevardin “Gjergj Fishta”, u kap dhe u vu në pranga shtetasi nga Kazakistani, A. T., 26 vjeç.
Ky shtetas u arrestua me qëllim ekstradimin në Kazakistan, pasi Gjykata për Hetimet Speciale e Almaty, Kazakistan, i ka caktuar masën e sigurisë “Arrest në burg”, për veprën penale “Mashtrimi”, parashikuar nga Kodi Penal i Kazakistanit.
Interpol Tirana, në bashkëpunim me autoritetet ligjzbatuese të Kazakistanit, vijon procedurat për ekstradimin e këtij shtetasi”, thuhet në njoftimin e policisë.
Marrë nga Newsbomb.al
