Shefi i Zyrës së Bashkimit Evropian në Kosovë, Aivo Orav i është drejtuar vendit me një thirrje urgjentene për krijimin sa më parë të institucioneve të reja shtetërore pas zhvillimit të zgjedhjeve parlamentare më 9 shkurt.
Aivo Orav është shprehur se Bashkimi Europian ka nevojë për bashkëpunimin me një partner qeveritar me qëllim vënien në punë të diskutimeve për anëtarësimin drejt BE-së.
“Bashkimi Evropian ka nevojë për një partner të qëndrueshëm në qeveri për të punuar dhe diskutuar për të ardhmen evropiane të Kosovës,” u shpreh Orav gjatë një tryeze diskutimi të organizuar të mërkurën nga Instituti i Prishtinës për Studime Politike dhe Lëvizja FOL, me fokus në integrimin e Kosovës në BE.
E ndërsa heqja e masave të vendosura nga BE për Kosovën kanë filluar që të hiqen, Orav tregon se kjo e bën dhe më të rëndësishme bashkëpunimin me autoritetet vendore.
Marrë nga Kosovapress.com
