Një stratege demokrate bëri një deklaratë të habitshme duke thënë se kërcënimet ndaj sigurisë publike, si krimet nga emigrantët dhe grabitjet e makinave, “nuk kanë rëndësi për shumë amerikanë”.
Insha Rahman, zëvendëspresidente e avokatisë dhe partneriteteve në Institutin Vera për Drejtësi, e bëri këtë deklaratë tronditëse gjatë fjalës së saj në Konventën Kombëtare Demokrate (DNC) gjatë mbledhjes verore të së hënës.
Ish-mbrojtësja publike komentoi për përpjekjet e Donald Trump për të goditur kriminalitetin në Uashington DC, duke i cilësuar ato si një “mundësi të madhe” për demokratët.
Insha Rahman i tha turmës: “Ju doni të flisni për çështjet e krimit që i interesojnë votuesit. Ku shkon Trump? Te krimet nga emigrantët, grabitjet e makinave, ato gjërat tronditëse dhe të tmerrshme që kanë një efekt vizual të çmendur.”
Ajo i inkurajoi demokratët të mos bien pre e këtij narrative, duke iu referuar një sondazhi të kryer nga YouGov në korrik 2025 (porositur nga Vera Action), që tregonte se amerikanët shqetësohen më shumë për problemet e shëndetit mendor dhe të pastrehët, sesa për kaosin që thekson Trump.
Vera Action, ku Rahman është drejtoreshë, është organizatë simotër e Vera Institute, që mbështetet nga George Soros.
Rahman më pas theksoi sërish: “Mos e hani karremin dhe mos flisni për krimin nga emigrantët apo grabitjet e makinave, ose për gjërat që në fakt nuk kanë rëndësi për aq shumë amerikanë.”
Ndërkohë, Trump nënshkroi një urdhër ekzekutiv për të hequr dorë nga sistemi i lirimit pa garanci në Uashington D.C.
Ky veprim sfidon përpjekjet për reforma në drejtësinë penale, ndërsa Trump po përdor fuqinë ekzekutive për të vendosur politika më të ashpra.
Ai gjithashtu nënshkroi një tjetër urdhër që kërcënon të ndalojë fondet federale për qytetet që përdorin sistemin e lirimit pa garanci.
Ky sistem lejon të dyshuarit të lirohen pa pagesë edhe nëse arrestohen për krime të dhunshme.
Marrë nga Daily Mail
