Arkeologët kanë zbuluar një dhomë blu të dekoruar në mënyrë të hollësishme, e interpretuar si një vend i shenjtë romak i lashtë, gjatë gërmimeve të fundit në Pompei.
“Pompei nuk pushon së mahnituri, është një arkë thesari që është ende pjesërisht e paeksploruar. Kjo është arsyeja pse ne kemi financuar gërmimet e reja dhe po punojmë për të ruajtur cilësinë e lartë të parkut arkeologjik”, tha ministri i Kulturës i Italisë, Gennaro Sangiuliano.
Ngjyra blu e gjetur në këtë zbulim të ri është e rrallë, ku Ministria e Kulturës thekson se në përgjithësi lidhet me ambiente me rëndësi të madhe dekorative.
Nga analiza e thelluar e dhomës, sipas ministrisë, u konstatua se hapësira mund të interpretohet si sakristi ose si një zonë kushtuar aktiviteteve rituale dhe ruajtjes së objekteve të shenjta.
