SPAK kërkoi 13 vite burg për për biznesmenin Rezart Taçi, i cili është shpallur në kërkim ndërkombëtar, pasi akuzohet si një anëtari i një grupi kriminal që pastronte miliona euro të mafias italiane në vendin tonë.
Bëhet me dije se kryeprokurori i SPAK, Klodian Braho, i cili ka në dorë këtë dosje, ka kërkuar konfiskimin dhe kalimin në favor të shtetit të rreth 18 milionë eurove, të përfituara nga ky aktivitet i jashtëligjshëm.
Raportohet se në GJKKO sot është folur në lidhje me planin në bashkëpunim me Francesco Zummo dhe Fabio Petruzzella, ku përmendet një episod kur një transfertë u bllokua dhe pala italiane flet me bashkëpunëtorët e Taçit.
Zummo dhe Petruzzella nuk kanë mundur që të kryejnë fazën e tretë të qëllimit të tyre kriminal, për të transferuar fondet nga Shqipëria në drejtim të shteteve të tjera.
Ndërsa bëhet me dije se paratë u bllokuan, pasi ndaj tyre u vendos sekuestro dhe personat e përfshirë në këtë dosje, në bisedat e tyre besonin se bllokimi i fondeve ka ardhur për shkak të Drejtorisë kundër Pastrimit të Parave.
Nga përgjimet del që Rezart Taçi dhe kunati i tij Artur Balla, u kanë siguruar shtetasve italianë se po bëjnë gjithçka për zgjidhjen e situatës dhe se u janë drejtuar me anë të një ndërmjetësi funksionarëve publikë të institucioneve shqiptare.
Përgjimet:
Petruzzella: Artur..
Artur: miku im, si je?
Petruzzella: mirë… ti?
Artur: të pashë vetëm tani se isha në shtëpinë e plazhit me familjen, se ai më shkroi dje se është në Mal të Zi dhe kthehet nesër..
Petruzzella: hëm… ok.
Artur: dhe tha se, meqë ishte fundjavë, kthehet nesër.
Petruzzella: po Artur, duhet të dalim nga ky lëmsh… në një mënyrë apo tjetër.
Artur: po unë jam i pari që jam i interesuar prej shumë kohësh dhe mora këtë përgjegjësi.
Petruzzella: po të them…. më tha gjyshi se, nëse deri të mërkurën nuk e zgjidhim këtë gjë, unë duhet të vij atje dhe të ritransferoj gjërat në Zvicër, se nuk ka më besim.
Artur: e kuptova… e kuptova.
Petruzzella: e… bravo.
Artur: unë po pres vetëm një telefonatë të tij…. do ta takoj dhe do t’i them direkt, ok shoku?
Petruzzella: ok, në rregull, nuk ka më….
Artur: ka të drejtë se u bënë tre muaj…
Petruzzella: tamam… është evidente që nuk është vullneti për ta bërë… domethënë është një tallje…. dhe mua nuk më pëlqen që të ma…. jo nga ti… kujdes…… si quhet?? Nga vëllai i madh….. por ky po tallet me ne.
Artur: e zgjidh unë këtë punë këtë javë.
Petruzzella: hëmm… ma bëj këtë nder…. se unë ta thashë, të mërkurën ndryshe do më duhet të vij dhe nuk e kam me dëshirë…. e kupton.. apo jo..
Artur: ok.
Në datën 18.10.2021, midis Fabio Petruzzella dhe bashkëshortes së tij Marina Tizzi, është kryer biseda si më poshtë:
Petruzzella: Drejtori i bankës… “gjërat janë…. nuk ishte… nuk janë… u komplikuan …. më pas”.
Marina: por paratë nuk t’i sjellin.
Petruzzella: jo, çfarë thua, është bankë greke.
Petruzzella: mendoj se shqiptarët janë tallur, se duan të gjitha paratë që ai më kërkoi mua… i duan të 3 milionë eurot…. 3 milionë duan… dhe kaq… kështu! Ja, se janë çmendur…. pra po e bëj falas… kupton? Dhe kështu i rëndon…. aq sa unë nuk di, në rregull e bëjmë me… me Bahamas…. ti nuk e kupton shumë këtë…. apo jo?
Marina: është e qartë vetëm nëse…
Petruzzella: domethënë Bahamas humbën.
Marina: po, por…
Petruzzella: sepse me vendim përfundimtar.
Marina: por mos prek gjë te Bahamas, para se të sjellësh në shtëpi këtë, apo jo?
Petruzzella: sigurisht, Bahamas. I thashë “duhet të bindësh klientin që kushton 50% që është më mirë se zero, apo jo?”…
Marrë nga Top Channel
