Me tensione të forta është zhvilluar seanca e djeshme në Parlamentin e Shqipërisë, ku kreu i Partisë Mundësia, Agron Shehaj ka ngritur zërin për banorët e Rrjollit, të cilët prej javësh po “luftojnë” për të mbrojtur tokën e tyre.
Me fotot dhe pamjet e banorëve të cilët janë dhunuar dhe tërhequr zvarrë nga Policia e shtetit dhe kompania e sigurisë, Shehaj u është “vërsulur” socialistëve duke i kërkuar që të reagojnë dhe t’i japin fund kësaj padrejtësie që po u bëhen qytetarëve të kësaj zone.
“Taulant e ke parë këtë grushtin, ky djali që rrahin këta Taulant me grushte, është ky këtu një 19 vjeçar është një 19 vjeçar që mbron pronën e vet ku ka lindur, ku ka jetuar, ku është rritur. E Mbron, Ndërkohë që ju ja keni vjedhur”, tha ai ndër të tjera, ndërkohë që me fotot në duar ju afrua deputetëve socialistë.
Ky akt dhe ngritja e zërit nga ana e tij solli dhe përjashtimin nga seanca.
Marrë nga Newsbomb.al
