Kryetari i Bashkisë së Tiranës, Erion Veliaj, mbetet në burg. Gjykata e Lartë ka shqyrtuar këtë të martë (15 shtator), kërkesën e Veliajt për shfuqizimin e vendimeve gjyqësore që lidhen me masën e sigurisë ndaj tij.
Çështja u rikthye për rishqyrtim në Gjykatën e Lartë pas vendimit të Gjykatës Kushtetuese.
Kolegji Penal i Gjykatës së Lartë, i mbledhur në Dhomë Këshillimi, mori në shqyrtim dosjen penale me kërkues Erion Veliajn dhe palë të interesuar Prokurorinë e Posaçme kundër Korrupsionit dhe Krimit të Organizuar (SPAK).
Pas shqyrtimit të çështjes, Kolegji Penal vendosi lënien në fuqi të vendimit të dhënë më 13 mars 2025, të GJKKO-së. Vendimi i Gjykatës së Lartë rrëzon kështu kërkesën e Veliajt për shfuqizimin e vendimeve të mëparshme gjyqësore, duke lënë në fuqi masën e sigurisë ndaj kryebashkiakut të Tiranës.
Veliaj ndodhet në burg prej shkurtit 2025, në kuadër të hetimeve të SPAK.
Njoftimi i plotë:
Kolegji Penal i Gjykatës së Lartë, i mbledhur në datë 15 shtator 2026, në Dhomë Këshillimi, mori në shqyrtim dosjen penale me palë: Kërkues: Erion Veliaj, Palë e Interesuar: Prokuroria e Posacme kundër Korrupsionit dhe Krimit të Organizuar dhe objekt: Shfuqizimin e vendimeve nr. 7, dt. 09.02.2025, te Gjykates se Posacme te Shkalles se Pare per Korrupsionin dhe Krimin e Organizuar, vleftesuar permes vendimit nr. 14, dt. 12.02.2025, te Gjykates se Posacme te Shkalles se Pare per Korrupsionin dhe Krimin e Organizuar; nr. 13, dt. 13.03.2025, te Gjykates se Posacme te Apelit per Korrupsionin dhe Krimin e Organizuar; nr. 00-2025-1153 (176), dt. 08.07.2025, te Kolegjit Penal te Gjykates se Larte. Shpenzimet gjyqesore ne ngarkim te subjektit te interesuar.
Pasi shqyrtoi çështjen, Kolegji, bazuar në nenin 441, pika 1, shkronja “e” të Kodit të Procedurës Penale, vendosi: Lënien në fuqi të Vendimit nr.13 (87-2025-85), datë 13.03.2025 të Gjykatës së Posaçme të Apelit për Korrupsionin dhe Krimin e Organizuar.
Marrë nga RTSH.al
