KthjellKthjellKthjell
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
© 2024 Kthjell. All Rights Reserved.
Leximi: 15 vite premtime mbi shina, që nuk mbërritën kurrë në stacion
Share
Njoftim Shfaq më shumë
Ndryshimi i madhësisë së shkronjaveAa
KthjellKthjell
Ndryshimi i madhësisë së shkronjaveAa
  • Editorial
  • Politike
  • Bota
  • Ekonomi
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Follow US
© 2024 Kthjell. All Rights Reserved.
Kthjell > Blog > Editorial > Analize > 15 vite premtime mbi shina, që nuk mbërritën kurrë në stacion
AnalizeEkonomiKryesoreOpinionPolitikeSociale

15 vite premtime mbi shina, që nuk mbërritën kurrë në stacion

Përditësimi i fundit: 18 Nëntor, 2026 10:54 am
115 Shikime
Share
5 Min. Leximi
SHARE

Nga tramvaji që Lulzim Basha premtonte se do të përshkonte Tiranën në vetëm 24 minuta, te trenat modernë që Edi Rama ka premtuar prej vitesh se do të lidhin kryeqytetin me Durrësin dhe aeroportin e Rinasit, transporti hekurudhor në Shqipëri ka qenë një histori e gjatë projektesh, prezantimesh dhe afatesh të shtyra. Ndërsa qytetarët vazhdojnë të presin rikthimin e trenave në kryeqytet, kryeministri ka hedhur sytë drejt Japonisë, këtë herë për një projekt edhe më ambicioz: ndërtimin e hekurudhës Durrës-Prishtinë.

Gjatë një takimi me sipërmarrës japonezë këtë të martë, Rama u ka kërkuar atyre të shqyrtojnë mundësinë e përfshirjes në projektin hekurudhor që synon të lidhë Shqipërinë me Kosovën dhe më tej me Evropën Qendrore. Kryeministri e ka paraqitur projektin si një investim me rëndësi të veçantë ekonomike dhe strategjike, duke përfshirë në argumentimin e tij edhe NATO-n dhe portin e ri të Durrësit.

“Së bashku me Kryeministrin e Kosovës kemi biseduar më shumë se një herë se sa mirë do të ishte ta përfshinim Japoninë në projektin e hekurudhës së re nga Durrësi në Prishtinë, e cila më pas kalon nëpër Nish dhe lidhet me Europën Qendrore.

Kjo hekurudhë ka gjithashtu rëndësi shumë, shumë të madhe për NATO-n për shkak të Portit të ri në Durrës, i cili do të ketë edhe një degë të dedikuar 100% për veprimtaritë ushtarake dhe ato të NATO-s”, deklaroi Rama.

Ndërkohë hekurudha Tiranë-Durrës-Rinas, një nga investimet më të reklamuara të qeverisë gjatë viteve të fundit, ende nuk ka nisur transportin e udhëtarëve, pavarësisht afateve të shpallura më parë.

Historia e premtimeve për transport modern mbi shina në kryeqytet nuk fillon me Edi Ramën kryeministër. Një nga shembujt më të njohur është tramvaji i Lulzim Bashës, i premtuar gjatë fushatës për Bashkinë e Tiranës në vitin 2011. Më 31 mars të atij viti, gjatë një takimi me banorët e Kombinatit, Basha premtoi ndërtimin e një linje tramvaji që do të lidhte këtë zonë me qendrën e kryeqytetit.

Tre vite më vonë, më 10 qershor 2014, në prag të përfundimit të mandatit të tij si kryebashkiak, Basha prezantoi projektin e tramvajit Kombinat-Kinostudio. Sipas projektit, qytetarët do të mund ta përshkonin këtë itinerar në vetëm 24 minuta, ndërsa investimi parashikohej të kushtonte rreth 160 milionë euro.

Basha deklaronte se projekti ishte gati dhe kërkonte mbështetjen e qeverisë për realizimin e tij. Por tramvaji nuk u ndërtua kurrë.

Madje, historia e tramvajit kishte edhe një tjetër protagonist: Edi Ramën. Në vitin 2011, kur ishte ende kryebashkiak, edhe Rama kishte prezantuar projektin “Tram Tirana”, që parashikonte pesë linja transporti në kryeqytet.

Pas premtimeve për tramvajin, transporti mbi shina u rikthye në qendër të vëmendjes me projektin për rehabilitimin e hekurudhës Tiranë-Durrës dhe lidhjen e saj me aeroportin e Rinasit.

Projekti nisi të merrte formë konkrete në vitin 2016, kur u miratua financimi për komponentin hekurudhor. Më pas u shtuan projekte të tjera për stacionet dhe elektrifikimin. Hekurudha Tiranë-Durrës-Rinas u përfshi edhe në programin qeverisës të Partisë Socialiste për periudhën 2021-2025, si një nga investimet që do të modernizonin transportin publik.

Megjithatë, afatet e përfundimit u shtynë disa herë.

Më 15 prill 2025, ministrja e atëhershme e Infrastrukturës, Belinda Balluku, deklaroi se hekurudha parashikohej të dorëzohej në fund të vitit 2025, ndërsa stacionet dhe elektrifikimi do të përfundonin në pranverën e vitit 2026. Edhe ky afat kaloi pa nisur shërbimi i premtuar.

Në harkun e 15 viteve, Shqipëria ka dëgjuar premtime për tramvajin e Tiranës, për trenin modern Tiranë-Durrës, për lidhjen hekurudhore me Rinasin dhe për hekurudhën që do të bashkojë Durrësin me Prishtinën.

 

Marrë nga VNA.al

Ju gjithashtu mund të pëlqeni

Po kërkonte rrugë të re për kokainën, dështon plani i mafies shqiptare në Spanjë

Valë demonstratash në të gjithë Evropën, kundër kostos së jetesës

Diplomati italian: Plan për koloni izraelite në Itali, Shqipëri dhe Qipro

Mrekullia fiskale e Gonxhes: Taksa nuk dihet sa do të jetë, por shqiptarët do të dalin me fitim

ARRSH-ja hap 180 milionë euro tendera, në një ditë të vetme

Share This Article
Facebook Twitter Whatsapp Whatsapp LinkedIn Telegram Kopjo lidhjen Print
Share
Artikulli i mëparshëm Policia i arreston, gjykata i liron! Kush mban përgjegjësi?
Artikulli tjetër Kush është ‘Visi i Peqinit” i njohur si “Capo dei capi” i botës së krimit shqiptar?

Na ndiqni në rrjetet sociale

FacebookLike
InstagramFollow
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image

Më të fundit

Rafineria e Fierit fitoi 5.7 milionë euro në një vit, por kurseu filtrat duke helmuar qytetin
Analize Finance Kryesore Opinion Sociale Zhvillim 20 Nëntor, 2026
RAI: Mbi 60 mijë italianë çdo vit në Shqipëri për “turizëm dentar”
Analize Kryesore Opinion Sociale Zhvillim 20 Nëntor, 2026
Udhëkryqi i Reformës së re të Pensioneve
Analize Fokus Kryesore Opinion Sociale 20 Nëntor, 2026
Prokuroria e Vlorës konfiskon 16 milionë euro pasuri të familjarëve të Artur Shehut
Aktuale Analize Fokus Kryesore Sociale 20 Nëntor, 2026
//

Kthjell është revista juaj online e lajmeve që ofron përmbajtje tërheqëse dhe informuese për çdo interes. Qëndroni të përditësuar me zhvillimet më të fundit në teknologji dhe shkencë, merrni frymëzim për dizajnin dhe dekorimin e ambienteve, dhe përmirësoni jetën tuaj me këshilla të ekspertëve për mirëqenien personale. Zhytuni në botën e pasur të artit dhe kulturës, eksploroni destinacione të reja udhëtimi dhe mësoni shumë më tepër. Kthjell është porta juaj për të zbuluar, për t’u informuar dhe për t’u frymëzuar çdo ditë. Bashkohuni me ne në këtë udhëtim të vazhdueshëm eksplorimi dhe zbulimi.

KthjellKthjell
Follow US
© 2024 Kthjell. All Rights Reserved.