Në Maqedoninë e Veriut vijon debati në lidhje me përdorimin e gjuhës shqipe si gjuhë zyrtare. Në fjalën e tij në Kuvend, deputeti i ASH-së, Elmi Aziri akuzoi “të majtën” se po i pengon gjuhën shqipe në institucionet e vendit. Aziri ka thënë se shqiptarët janë prej kohësh në atë shtet dhe se gjuha shqipe ka qenë para se me ata të ishin.
Deputeti i ka vijuar akuzat ndaj të majtës duke thë se prandaj ata janë dhe kundër flamurit të NATO-s dhe BE-së teksa po pengojnë edhe flamuri shqiptar. Sipas tij i gjithë ky debat është një është shprehje e një mllefi të akumuluar nacionalist, shovinist, racist dhe fashist.
“Ajo që u tha këtu është shprehje e një mllefi të akumuluar nacionalist, shovinist, racist dhe fashist. Këtu gjithçka u tha, për tiparet e shqiptarët, për atributet, u tha për gjuhën, bindjet politike, për tendencat që këtë shtet ta bëjmë ta barabartë dhe shqiptarë të trajtohen njëlloj si të tjerët, por personit në fjalë i pengon”, tha ai në Kuvend.
Disa ditë më parë Koalicioni VLEN në Maqedoninë e Veriut ka reaguar ndaj një iniciative që lidhet për të vlerësuar kushtetutshmërinë e Ligjit për Përdorimin e Gjuhëve. VLEN bërime dije se e konsideron çësthjen si çelës që rrezikon të hapë Kutinë e Pandorës për të gjitha arritjet kyçe të shtetit përfshirë edhe ndryshimin e emrit kushtetues, që gjithashtu, siç shkruhet në postim, u realizua pa nënshkrimin e presidentit të atëhershëm, Gjorgje Ivanov.
Sipas koalicionit, një iniciativë e tillë buron nga forca të njohura për qëndrimet e tyre kundër NATO-s. Sipas koalicionit një akt i tillë do të minonte stabilitetin dhe sovranitetin e Republikës së Maqedonisë së Veriut, duke kërcënuar seriozisht orientimin e saj euro-atlantik.
