Donald Trump ka kapur epërsinë e tij më të madhe ndaj Kamala Harris për Shtëpinë e Bardhë vetëm tre javë para zgjedhjeve të nëntorit sipas kuotave të basteve.
Si tregjet amerikane dhe ato ndërkombëtare të basteve u zhvendosën në favor të një fitoreje të Trump gjatë fundjavës, me faqet e parashikimit si Polymarket dhe PredictIt që tregojnë shanset presidenciale të Trump përpara atyre të kandidates demokrate.
Sipas Polymarket fitorja e Trump ka 57.5% shanse që të realizohet kundrejt 42.5% të Harris.
Polymarket thotë se ish-presidenti ka avantazhin në gjashtë nga shtatë shtetet kryesore të lëvizjes. Kandidati republikan parashikohet të fitojë Arizonën (68%), Gjeorgjinë (64%), Pensilvaninë (54%), Miçiganin (52%), Karolinën e Veriut (63%) dhe Wisconsin (52%).
