Zjarret masive që kanë përfshirë Indonezinë prej javësh kanë shkaktuar një krizë të rëndë të ndotjes së ajrit, duke lënë zona të tëra të mbuluara nga një mjegull e dendur toksike.
Pamjet nga Kalimantan tregojnë flakë të mëdha që përfshijnë zonat pyjore, ndërsa helikopterët janë angazhuar për hedhjen e ujit mbi vatrat aktive. Mjegulla e krijuar nga zjarret ka mbuluar gjithashtu qytete dhe zona të banuara, duke reduktuar ndjeshëm dukshmërinë dhe duke ndikuar në jetën e përditshme të banorëve.
Problemi nuk është kufizuar vetëm brenda Indonezisë. Mjegulla dhe ndotja e ajrit janë përhapur edhe në vende të tjera të Azisë Juglindore, përfshirë Malajzinë dhe Filipinet.
Autoritetet dhe ekipet e emergjencës po vijojnë përpjekjet për shuarjen e zjarreve, ndërsa miliona njerëz mbeten të ekspozuar ndaj pasojave të ndotjes së ajrit.
Situata mbetet veçanërisht shqetësuese për fëmijët, të moshuarit dhe personat me probleme të frymëmarrjes, ndërsa zjarret vazhdojnë prej javësh.
Marrë nga Reuters
