Forcat izraelite kanë bombarduar gjashtë godina në Bejrut të Libanit, teksa një prej tyre dyshohet se është qendra e militantëve të Hezbollahut.
Sipas raportimeve nga mediat e huaja, gjashtë godina shumëkatëshe janë sheshuar nga sulmi me raketa, ndërsa në objektiv ka qenë lideri i Hezbollah, Hassan Nasrallah.
Fati i këtij të fundit nuk dihet.
Edhe Agjencia e Lajmeve Tasnim, e kontrolluar nga Irani kanë raportuar se ai i ka mbijetuar sulmit.
Mediat në Izrael raportojnë se gjasat janë që Hasrallah të ketë humbur jetën.
“Zyrtarët izraelitë dyshojnë se lideri i Hezbollahut, Hassan Nasrallah ishte në bunkerin e shënjestruar në bombardimet e fundit dhe kushdo brenda do ta kishte shumë të vështirë për t’i mbijetuar një sulmi të tillë”, shkruan Jerusalem Post.
Gjashtë godina shumëkatëshe u sheshuar nga sulmi izraelit me raketa, pasditen e sotme në Bejrut të Libanit.
