Gjatë natës së shkuar e në orët e para të mëngjesit të sotëm me mijëra besimtarë vijojnë të bëjnë homazhe në nderim të figurës së Papa Franceskut.
Selia e Shenjtë informon se brenda 48 orëve, deri në orën 08:00 të mëngjesit të sotëm numri i tyre është mbi 128 mijë persona.
Të shtunën në orën dhjetë është caktuar ceremonia e varrimit, në të cilën priten të marrin pjesë të paktën 250 mijë njerëz.
Me dhjetëra mijëra kanë mbërritur tashmë në Vatikan për ti bërë respektin Papës popullor, me 100 delegatë e liderë botërorë që kanë konfirmuar pjesëmarrjen përfshirë presidentin amerikan Donald Trump.
Do të jenë gjithashtu të pranishëm, patriarkë, kardinalë e arqipeshkëve nga i gjithë globi, e mesha do të drejtohet nga kreu i kolegjit të Kardinalëve Giovanni Battista Re.
Marrë nga Syri.net
