Shkalla e ndihmës mjekësore për të vdekur, e njohur gjithashtu si eutanazi, është rritur në Kanada për të pestin vit radhazi.
Rreth 15,300 njerëz iu nënshtruan vdekjes së asistuar vitin e kaluar, që përbën 4.7% të vdekjeve në vend.
Ligjvënësit kanadezë aktualisht po kërkojnë të zgjerojnë qasjen në eutanazi për njerëzit me sëmundje mendore deri në vitin 2027.
Shifrat e publikuara të mërkurën nga “Health Canada” tregojnë se shkalla e të vdekurve nga eutanazia në Kanada është rritur me gati 16% në vitin 2023.
Pothuajse të gjithë ata që kërkuan vdekje të asistuar, apo rreth 96%, kishin një vdekje të parashikueshme natyrore. Pjesës tjetër prej 4% iu dha eutanazia për shkak të një sëmundjeje kronike afatgjatë dhe ku një vdekje natyrale nuk ishte e pashmangshme.
Për herë të parë, raporti hulumtoi edhe të dhënat racore dhe etnike të atyre që vdiqën nga eutanazia.
Rreth 96% e tyre janë identifikuar si njerëz të bardhë, të cilët përbëjnë rreth 70% të popullsisë së Kanadasë. Është e paqartë se çfarë e shkaktoi këtë pabarazi.
