Polemikat pas ndeshjes Inter-Juventus, e zhvilluar në San Siro, janë ngritur përsëri për shkak të episodit të diskutueshëm që përfshiu Pierre Kalulu dhe Alessandro Bastoni.
Gjyqtari La Penna dha karton të dytë të verdhë për Kalulu pas një faulli të dyshimtë ndaj Bastonit, i cili më vonë doli të ishte një lëvizje e qartë simulimi nga mbrojtësi i Interit.
Për këtë situatë ka reaguar edhe ish-kryeministri Enrico Letta, i cili ka kritikuar ashpër veprimin e Bastonit dhe ka kërkuar që ai të mos thirrej më në ekipin kombëtar. Letta ka shprehur qëndrimin e tij përmes një postimi në profilin e tij zyrtar në ‘X’ (ish-Twitter), ku theksoi se sjellja e Bastonit ishte josportive dhe nuk duhet të jetë pjesë e kombëtares italiane.
“Bastoni nuk duhet të thirret në ekipin kombëtar”, shkroi Letta, duke i dhënë një mesazh të qartë se kjo lloj sjellje nuk është e pranueshme, veçanërisht kur bëhet fjalë për përfaqësuesen e Italisë.
Marrë nga SkyNews 24
