Qindra njerëz kanë marrë pjesë në protestën më të madhe kundër Hamasit në Gaza që nga fillimi i luftës me Izraelin, duke vërshuar rrugët dhe duke kërkuar që grupi të largohet.
Militantët e maskuar të Hamasit, disa të armatosur, kanë ndërhyrë dhe e kanë shpërndarë me forcë turmën.
Protestuesit dolën rrugëve me brohoritjet “jashtë Hamasi”.
Mbështetësit e Hamasit ndërkohë e mbrojtën grupin duke i akuzuar pjesëmarrësit në protestë si tradhtarë.
Izraeli ka rikthyer sulmet e ashpra në Gaza pas gati dy muajsh armëpushimi, pasi e ka fajësuar Hamasin se ka refuzuar propozimin e SHBA-së për zgjatjen e marrëveshjes. Hamasi e ka akuzuar Izraelin se e ka braktisur marrëveshjen origjinale në janar.
Qindra palestinezë janë vrarë dhe mijëra janë zhvendosur që kur Izraeli rinisi bombardimet më 18 mars.
Marrë nga BBC
