FIFA ka konfirmuar se Shakira, Madonna dhe BTS do të jenë yjet kryesore të spektaklit në pushimin e pjesës së parë të finales së Kupës së Botës 2026.
Sipas FIFA-s, show do të kurohet nga Chris Martin i grupit Coldplay dhe do të organizohet në bashkëpunim me Global Citizen.
Të ardhurat e eventit do të shkojnë për Fondin Global të Arsimit të FIFA-s, një iniciativë që synon të mbledhë 100 milionë dollarë për edukimin dhe futbollin e fëmijëve në mbarë botën. FIFA bëri të ditur se 1 dollar nga çdo biletë e shitur do të dhurohet për këtë fond.
Ndërkohë, presidenti i FIFA-s, Gianni Infantino, e cilësoi performancën si “një moment historik për Kupën e Botës”.
Kupa e Botës 2026 nis më 11 qershor në Mexico City dhe do të zhvillohet në SHBA, Kanada dhe Meksikë.
Marrë nga CNN.com
