Policia belge është vënë në kërkim të personave të armatosur pas të shtënave të raportuara jashtë një stacioni metroje në qendër të Brukselit.
Pamjet e CCTV tregojnë dy burra me kapuçë në kokë dhe kallashnikovë në duar, që qëndrojnë në hyrje të stacionit Clémenceau në kryeqytetin belg.
Video nga vendi i ngjarjes tregon një shkëmbim zjarri rreth orës 06:15 me orën lokale.
Sarah Frederickx, zëdhënëse e policisë së Brukselit, tha se të dyshuarit ikën në stacionin e metrosë dhe mund të jenë ende në tunelet e metrosë.
Zëdhënësja tha se nuk pati të lënduar nga të shtënat. Si policia lokale ashtu edhe policia federale hekurudhore po kontrollojnë zonën.
Stacioni Clémenceau është mbyllur, si dhe stacioni aty pranë Bruksel-Midi, i cili shërben gjithashtu si terminal për trenat e Eurostar.
Dy linjat e metrosë që shërbejnë në qendër të Brukselit janë pezulluar gjithashtu, nga Gare de l’Ouest në Trône, që është afër Parlamentit Evropian.
Marrë nga CCTV.com
