Vladimir Putin ka kërkuar ringjalljen e Intervizion-it, festivalit alternativ të epokës sovjetike ndaj Eurovizion-it, pasi Rusisë iu ndalua pjesëmarrja në kompeticion.
Udhëheqësi rus nënshkroi një dekret të hënën duke udhëzuar zyrtarët që të ringjallin këtë vit konkursin e këngës Intervizion në Moskë me qëllim “zhvillimin e bashkëpunimit ndërkombëtar kulturor dhe humanitar“.
I dërguari presidencial Mikhail Shvydkoi deklaroi më parë se “gati 20 vende” kishin rënë dakord të merrnin pjesë, duke përfshirë Brazilin, Kubën, Indinë, Kinën dhe vende të tjera “miqësore”. Shvydkoi tha se konkursi do të zhvillohet në vjeshtë.
Rusisë iu ndalua të konkurronte në Eurovizion në 2022 pas pushtimit të Ukrainës. I nisur nën udhëheqjen e ish-udhëheqësit sovjetik Leonid Brezhnev, kompeticioni origjinal Intervision u mbajt në mënyrë sporadike nga vitet 1960 deri në vitet 1980 si reagim i bllokut Lindor ndaj Eurovizionit.
Konkursi, i mbajtur në Poloni dhe Çekosllovakia e atëhershme, pranoi pjesëmarrës nga vende jo-evropiane, duke përfshirë aleatët komunistë të Moskës si Kuba. Ai u pa gjerësisht si një simbol i hapjes pas vdekjes së diktatorit sovjetik Joseph Stalin dhe festoi traditat artistike në të gjithë bllokun.
Marrë nga MCN Tv
