KthjellKthjellKthjell
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
© 2024 Kthjell. All Rights Reserved.
Leximi: Si u hodhën në kosh 3.3 milionë euro, në aksin Tiranë-Durrës
Share
Njoftim Shfaq më shumë
Ndryshimi i madhësisë së shkronjaveAa
KthjellKthjell
Ndryshimi i madhësisë së shkronjaveAa
  • Editorial
  • Politike
  • Bota
  • Ekonomi
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Follow US
© 2024 Kthjell. All Rights Reserved.
Kthjell > Blog > Politike > Aktuale > Si u hodhën në kosh 3.3 milionë euro, në aksin Tiranë-Durrës
AktualeKorrupsionKryesoreOpinion

Si u hodhën në kosh 3.3 milionë euro, në aksin Tiranë-Durrës

Përditësimi i fundit: 12 Tetor, 2024 9:39 am
248 Shikime
Share
6 Min. Leximi
SHARE

Fillimet e punimeve për zgjerimin e rrugës Tiranë-Durrës dhe shndërrimin e saj në një autostradë kanë materializuar një nga shpërdorimet më të mëdha të parave të qytetarëve në historinë e shtetit shqiptar.

Teksa fadromat e kompanive që fituan tenderin në dy lotet e para të rrugës kanë filluar gërrmimet në terren, ecuria e tyre ka hasur në një ngërç. Ato janë 485 pishat në të dy anët e rrugës, të cilat rezultojnë në inventarin e bashkisë me kosto 6800 blerje euro secila.

Burime i thanë Kapitalit se, Bashkia po ngurron të shkulë pishat duke vonuar dhe ecurinë e punimeve. Por fati i pemëve, dhe bashkë me to edhe i 3.3 milionë eurove të qytetarëve shqiptarë, tashmë është vendosur. Në kosh.

Ky përbën një nga shpërdorimet me të mëdha direkte të parave të qytetarëve nga institucionet publike. çështja u kallëzua në prokurorinë e Tiranës. Por në vitin 2020, Gjykata e Apelit në Tiranë e pushoi çështjen me kërkesë të vetë prokurorisë.

Rrush e kumbulla

Historia e shpërdorimit të parave publike me pemët në rrugën Tiranë-Durrës nis në vitin 2014, me ardhjen në pushtet të socialistëve. Në atë vit, ministria e Mjedisit shpalli një tender me vlerë 90 milionë lekë ose 900 mijë euro me kursin aktual, për të mbjellë palma në të dy anët e autostratës. Por pas mbjelljes, palmat nuk rezistuan dhe u thanë të gjitha.

“E pranojmë që palmat nuk ishin një zgjedhje për t’i mbijetuar këtyre temperaturave. Nëse do t’i përfundonim përpara vitit të ri [mbjelljen e pishave] kjo do të ishte një situatë ideale,” tha kryebashkiaku Veliaj në Këshillin Bashkiak më 23 nëntor 2017.

Sakaq Bashkia e Tiranës kishte nisur planet për t’i zëvendësuar palmat e thara me pisha. Në janar të vitit 2020, Drejtoria Numër 1 e Punëtorëve të Qytetit, një institucion në varësi të Bashkisë së Tiranës, shpalli një procedurë të mbyllur me negocim të drejtëpërdrejtë për mbjelljen e pishave të buta anës rrugës Tiranës-Durrës.

Fondi i tenderit ishte 332 milionë lekë, ose 3.3 milionë euro me kursin aktual dhe kontrata iu dha kompanisë Fusha sh.pk. Fusha sh.p.k. është ndër fituesit më të mëdhenj të kontratave me Bashkinë e Tiranës, përfshi ndërtimin e Sheshit Skënderbej, mirëmbajtjen e tij, rindërtimin e Piramidës dhe një sërë veprash të tjera të mëdha publike të prokuroruara nga Bashkia e kryeqytetit.

Fondet për zëvendësimin e palmave të thara me pisha të buta u miratuan në një ndryshim buxheti afatmesëm në Këshillin Bashkiak të Tiranës në fund të vitit 2017. Fondi i vënë në dispozicion të kompanisë Fusha ishte rreth 332 milionë lekë, i ndarë për t’u disbursuar përgjatë viteve 2017-2019. Pas një ndryshimi të dytë të vendimit në Këshillin Bashkiak, kontrata u ekzekutua plotësisht gjatë muajve janar dhe maj 2018.

Ping-pong për shkarkim përgjegjësish

Shqetësimi për mbivendosje projektesh në rrugën Tiranë-Durrës, të cilat më pas shkatërronin njëri tjetrin me pasojë dëme financiare në buxhetin e shtetit nuk është i ri. Planet për zgjerimin e rrugës ishin hartuar që në vitin 2014.

Në fillim të vitit 2016, projekti i Ministrisë së Mjedisit për mbjelljen e palmave në autostradë u bë pjesë e një kallëzimi që Kontrolli i Lartë i Shtetit bëri kundër drejtuesve të atëhershëm të Autoritetit Rrugor Shqiptar.

Shqetësimi i KLSH-së lidhej me gropën e parave të shpenzuara në autostradën Tiranë-Durrës, ndërkohë që po përgatitej projekti për zgjerimin e saj me tenderat për rehabilitimin e rrethrrotullimit të Doganës, përmirësimin e sinjalistikës rrugore dhe gjelbërimin me palma të aksit nga mbikalimi i Kamzës deri në Kashar. Të tria projektet kishin kushtuar rreth 593 milionë lekë pa TVSH ose gati 6 milionë euro.

“Në dijeni të plotë të këtyre investimeve, ARRSH nëpërmjet prokurimit të këtij studimi ka projektuar që në fillim shkatërrimin e investimeve të filluara me një vlerë totale prej 593 milionë lekësh pa tvsh, çka automatikisht i kthen këto investime në vlera të konsiderueshme monetare në investime tejet afatshkurtra, të cilat rëndojnë në mënyrë të papërgjegjshme buxhetin e shtetit,” thuhej në raportin e atëhershëm të KLSH.

Por këtyre shpërdorimeve iu shtuan edhe 3.3 milionë eurot e tjera të pishave që Bashkia e Tiranës bleu nga Fusha. Të vëna para faktit të kryer të shpërdorimeve, institucionet nisën ping pongun për të shkarkuar përgjegjësinë tek njëra tjetra. Autoriteti Rrugor Shqiptar iu përgjigj agjencisë BIRN se bashkia e Tiranës kishte qenë në dijeni të plotë të planeve për zgjerimin e rrugës, përpara se të prokuronte pishat e shtrenjta.

“Zgjerimi i superstradës Tiranë-Durrës është një projekt i hartuar në periudhën kohore 2014-2016. Sipas legjislacionit në fuqi, konsultimi me publikun është kryer dhe në takimin e organizuar janë ftuar të gjithë aktorët si Bashkia Tiranë, Bashkia Vorë, Bashkia Kamëz, grupet e interesit etj. Bashkia Tiranë ka marrë pjesë në takimin e konsultimit me publikun,” tha ARRSH në përgjigjen për BIRN.

Të gjitha çështjet e këtyre shpërdorimeve u mbyllën në shkallët e drejtësisë pa asnjë fajtor. Rezultati final i të gjithë kësaj ishte se në rrugën Tiranë-Durrës u hodhën në kosh miliona euro para të qytetarëve në projekte afatshkurtra që shkatërronin njëra tjetrën. Por fajtorë për këtë nuk ka.

 

Marrë nga Kapital.al

Ju gjithashtu mund të pëlqeni

Po kërkonte rrugë të re për kokainën, dështon plani i mafies shqiptare në Spanjë

Valë demonstratash në të gjithë Evropën, kundër kostos së jetesës

Diplomati italian: Plan për koloni izraelite në Itali, Shqipëri dhe Qipro

Mrekullia fiskale e Gonxhes: Taksa nuk dihet sa do të jetë, por shqiptarët do të dalin me fitim

ARRSH-ja hap 180 milionë euro tendera, në një ditë të vetme

Share This Article
Facebook Twitter Whatsapp Whatsapp LinkedIn Telegram Kopjo lidhjen Print
Share
Artikulli i mëparshëm Denoncim: Mozaiku i Orfeut, në Durrës, është në mëshirë të fatit
Artikulli tjetër CNN: A po afron sulmi i Izraelit mbi Iran?

Na ndiqni në rrjetet sociale

FacebookLike
InstagramFollow
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image

Më të fundit

Rafineria e Fierit fitoi 5.7 milionë euro në një vit, por kurseu filtrat duke helmuar qytetin
Analize Finance Kryesore Opinion Sociale Zhvillim 20 Nëntor, 2026
RAI: Mbi 60 mijë italianë çdo vit në Shqipëri për “turizëm dentar”
Analize Kryesore Opinion Sociale Zhvillim 20 Nëntor, 2026
Udhëkryqi i Reformës së re të Pensioneve
Analize Fokus Kryesore Opinion Sociale 20 Nëntor, 2026
Prokuroria e Vlorës konfiskon 16 milionë euro pasuri të familjarëve të Artur Shehut
Aktuale Analize Fokus Kryesore Sociale 20 Nëntor, 2026
//

Kthjell është revista juaj online e lajmeve që ofron përmbajtje tërheqëse dhe informuese për çdo interes. Qëndroni të përditësuar me zhvillimet më të fundit në teknologji dhe shkencë, merrni frymëzim për dizajnin dhe dekorimin e ambienteve, dhe përmirësoni jetën tuaj me këshilla të ekspertëve për mirëqenien personale. Zhytuni në botën e pasur të artit dhe kulturës, eksploroni destinacione të reja udhëtimi dhe mësoni shumë më tepër. Kthjell është porta juaj për të zbuluar, për t’u informuar dhe për t’u frymëzuar çdo ditë. Bashkohuni me ne në këtë udhëtim të vazhdueshëm eksplorimi dhe zbulimi.

KthjellKthjell
Follow US
© 2024 Kthjell. All Rights Reserved.