Tregu i karburanteve vijon të ndikohet ndjeshëm nga tensionet globale, veçanërisht zhvillimet në Lindjen e Mesme dhe rreziku që lidhet me Ngushtica e Hormuzit, një arterie kyçe për furnizimin botëror me naftë dhe gaz.
Shqipëria dhe Kosova mbeten ndër tregjet më të ekspozuara ndaj këtyre luhatjeve, ndërsa vendet e rajonit dhe më gjerë në Evropë kanë ndërmarrë masa për të zbutur goditjen e çmimeve te qytetarët.
Sipas të dhënave të publikuara, çmimi i naftës gjatë ditës së sotme në Kosovë ka arritur në 1.71 euro për litër. Në Shqipëri, çmimi rezulton më i lartë, rreth 2.2 euro, ndërsa në Maqedonia e Veriut dhe Mali i Zi varion nga 1.5 deri në 1.55 euro.
Në vendet e Bashkimit Evropian, çmimet mbeten të larta, me Gjermani dhe Itali që shënojnë rreth 2.3 euro për litër, ndërsa Holandë dhe Norvegji kryesojnë listën me deri në 2.6 euro për litër.
Ndërkohë, çmimet më të ulëta raportohen në SHBA, ku një litër naftë kushton rreth 0.85 euro, si dhe në Spanjë me rreth 1.25 euro.
Pavarësisht ndërhyrjeve të qeverive, autoritetet paralajmërojnë se hapësirat për të frenuar rritjen e mëtejshme janë të kufizuara. Në këtë situatë të pasigurt globale, fokusi mbetet mbrojtja e standardit të jetesës dhe stabilitetit ekonomik, ndërsa tregu i energjisë vijon të jetë nën presion.
Marrë nga Deutsche Welle
