Gazetari Flamur Vezaj ka publikuar dokumenta dhe fakte se vëllai tjetër i Fatmir Xhafës, Alban Qazimi është ortak me trafikant droge. Me anë të një postimi në Facebook, gazetari Vezaj ka shkruar se Qazimi ka ngritur biznese duke bërë ortakëri me individë të dënuar për trafik droge dhe grabitje. Po ashtu gazetari ka theksuar se sipas ligjit antimafia, SPAK-u duhet të hetojë Xhafën për shkak të vëllait të tij, Gerontit, i dënuar për trafik droge, por edhe vëllait tjetër, Alban Qazimit, si familjar apo si ortak me trafikantë droge.
Postimi i Plotë:
“Babale 2” dhe bizneset e vëllait të Xhafës me trafikant droge dhe grabitës floriri!
SPAK-u nuk i heton me ligjin “Antimafia”!!!
###
Alban Qazimi është vëllai tjetër i ish-ministrit të Brendshëm dhe të Drejtësisë, Fatmir Xhafa. Që nga viti 2013, ai është pjesë e përmbaruesve privatë dhe ortak biznesi me shtetasin Tedi Malaveci, i dënuar për trafik droge në Holandë dhe ish-drejtor i Përgjithshëm i Përmbarimit në kohën kur Xhafa drejtonte Drejtësinë. Malaveci, edhe pse i dënuar për drogë dhe subjekt i ligjit antimafia, është kryetar i Dhomës Kombëtare të Përmbaruesve të Shqipërisë, e SPAK-u nuk e heton!!!
Sipas ligjit antimafia, SPAK-u duhet të hetoj Xhafën për shkak të vëllait të tij, Gerontit, i dënuar për trafik droge, por edhe vëllain tjetër, Alban Qazimin, si familjar apo si ortak me trafikantë droge. Por SPAK-u nuk e bënë se kanë frikë “pushtetin” e Fatmir Xhafës te njerëzit e drejtësisë! Por përveç se është ortak me Malavecin e dënuar për trafik droge, Alban Qazimi vëllai Fatmirit është gjithashtu ortak edhe me një grabitës floriri.
Shtetasi Florjand Hida, sipas QKB-së (shih fotot), është ortak në kompaninë e ndërtimit “Megaron” shpk që nga qershori i vitit 2023. Hida rezulton i arrestuar në maj të vitit 2011 së bashku me dy persona të tjerë (K.Ç. dhe E.S.) për grabitjen e 176 unazave të floririt në Durrës, me vlerë mbi 30 milionë lekë (shih fotot). Pra, një grabitës është tani ortak biznesi në ndërtim me vëllain e ish-ministrit Xhafa.
Përveç biznesit me vëllain e ish-ministrit, Florjand Hida rezulton sipas QKB-së edhe ortak në një kompani me shtrirje të gjerë biznesi me emrin “ENLED”, bashkë me shtetasin Enio Haxhiu (shih fotot). Ky i fundit është djali i Bashkim Haxhiut, i shpallur në kërkim nga SPAK-u për atentatin e dështuar të vitit 2019 për vrasjen e Plaurent Dervishit dhe Julian Meçes. Bashkim Haxhiu njihet si pjesë e grupit famëkeq të Astrit Gjepalit, ky i fundit i vrarë më 16 janar 2014, si dhe anëtar i bandës së Durrësit.
Pra, Alban Qazimi, vëllai i trafikantit të drogës Geront Xhafa dhe njëkohësisht vëllai i ish-ministrit të Brendshëm dhe Drejtësisë Fatmir Xhafa, nuk hetohet nga SPAK për ligjin antimafia dhe vazhdon të bëjë biznes me trafikantë droge dhe grabitës floriri.
Pse SPAK nuk vepron?!
