Qytetarë serbë janë mbledhur ditën e sotme në shenjë proteste para stacionit të Policisë në Zubin Potok, duke vazhduar më pas drejt Kishës së këtij qyteti. Ata thanë se këtë protestë po e mbajnë për shkak, që sipas tyre, janë dëmtuar disa objekteve fetare në veri. Ata protestën po e zhvillojnë në formë të lutjeve në kishë.
Protesta e cila bllokoi vetëm një korsi të magjistrales Zubin Potok – Bërnjak, ka zgjatur rreth dyzet minuta dhe nuk është shënuar ndonjë incident. Protesta është vëzhguar nga afër prej pjesëtarëve të Policisë së Kosovës, të cilët ishin në numër më të madh se rëndom.
