Bashkëshortja e kryeministrit Edi Rama, Linda Rama, gjatë vitit 2023 ka blerë një apartmanet në Tiranë, me sipërfaqe 107 m2, me vlerë 429 mijë euro. Si të ardhura, zonja Rama deklaron të ardhura nga punësimi, qiradhënia dhe konsulenca të ndryshme ndërvite.
Referuar deklaratës së fundit të pasurisë, po gjatë vitit 2023, Linda Rama deklaron se ka blerë edhe një ullishte tjetër në Surrel, me sipërfaqe 781 m2, me vlerë 39 mijë euro.
Ndërkaq, Edi Rama, përpos pagës si kryeministër 27 mijë euro, gjatë vitit 2023 deklaron rreth 50 mijë USD të ardhura nga puna artistike, pra nga shitja e pikturave.
Nëse llogarisim edhe shtëpinë dhe tokën në Surrel, si dhe një apartament 146 m2, pasuria e paluajtshme e Edi dhe Linda Ramës tejkalon shifrën 1 milionë euro, një pasuri gjithsesi modeste krahasuar me pasurinë dhjetëra milionë euro të Familjes Berisha, shtrirë nga Gjiri i Lalzit, Tiranë deri në qytetet kryesore të Evropës.
