Detaje të reja kanë dalë në pah në lidhje me dosjen “Bankers”, e cila i ka shkaktuar shtetit shqiptar një dëm ekonomik qindra milionë lekë.
Në dokumente të siguruara nga Kapital.al mësohet se në 13 dhjetor të vitit 2024, Gjykata e Shkallës së Parë të Juridiksionit të Përgjithshëm Fier urdhëroi kompaninë Bankers Petroleum që t’i paguante rreth 600 mijë dollarë paga, ish-drejtorit të saj Leonidha Çobo për largimin e tij nga puna.
Nëpërmjet vendimi të gjykatës, Çobo kontraktoi një zyrë përmbarimore për të mbledhur borxhin nga Bankers. Zyra e quajtur Private Enforcement Group tentoi të gjejë para të Bankers në bankat shqiptare, por pa sukses.
Kompania kinezee cila prej vitesh shfrytëzon naftën në vendin tonë ka konkluduar pa llogari aktive në Shqipëri, në mënyrë që të mos ekzekutojnë dot borxhet e shumta që ka akumuluar ndaj kreditorëve privat, si dhe detyrimet ndaj shtetit.
Në bashkëpunim me bankën Raiffeisen mësohet se kompania kishte ngritur bnjë skene kriminale përmes një overdrafti, që sipas ligjit nuk mund të ekzekutohej nga kreditorët.
Për rredhojë të kësja situate, përmbaruesit gjetën një metodë tjetër për të marrë paratë e klientit të tyre; duke bllokuar skrapin në fushën e Patos Marinzës. Por në pah doli një problem. Skrapi nuk ishte i Bankers, por i shtetit.
Vjedhje e pasurisë publike me forcë
Pasi përmbaruesit bllokuan skrapin e shtetit për ta shiturnë mënyrë që të merrnin paratë, që Bankers duhet t’i paguante ish drejtorit të saj, një person mësohet të ketë vënë në lëvizje institucionet. Agjencia Kombëtare e Burimeve Natyrore nisi një shkresë zyrtare në drejtim të Bankers Petroleum dhe zyrës së përmbarimit, përmes së cilës u paralajmërua se skrapi ishte pronë e shtetit dhe të drejtat e pronësisë së shtetit shqiptar nuk mund të cënoheshin për të shlyer borxhet e kompanisë
“Në nenin 11.1.1 të Marrëveshjes Hidrokarbure parashikohet se asetet e luajtshme dhe të paluajtshme, të cilat janë krijuar në këtë liçencë marrëveshje dhe marrëveshje hidrokarbure, bëhen pronë e AKBN pas përfundimit të marrëveshjes hidrokarbure, mbylljes së saj, ose në momentin e mbulimit të tyre si kosto hidrokarbure,” shkruhet në shkresën që AKBN i nisi Bankersit dhe zyrës së përmbarimit.
Në fund të shkresës AKBN e paralajmëron përmbaruesin që të mos ekzekutojë detyrimet e Bankers ndaj klientit të tij duke shitur skrapin, i cili është pasuri e shtetit.
“Pjesa e aseteve që i është dhënë në përdorim kompanisë Bankers Petroleum është pronë e shtetit shqiptar dhe si e tillë nuk mund t’i nënshtrohet procedurave përmbarimore me qëllim shlyerjen e detyrimeve, që kjo kompani u ka kreditorëve të saj” thuhet në shkresën e AKBN.
Shkresa e nisur nga AKBN drejt kompanisë kineze dhe përmbaruesit, mban datën 7 prill të vitit të kaluar. Por përmbaruesit nuk reaguan edhe pse u informuar zyrtarisht se po shitej pasurinë e shtetit për të mbledhur borxhet e një kompanie private.
Dy javë pasi u paralajmëruar nga AKB, përmbaruesi zhvilloi ankandin për shitjen e skrapit.
Vjedhje me bekimin e drejtuesve të Bankers
Ndonëse u paralajmërua zyrtarisht nga AKBN të mos e shiste skrapin, përmbaruesi i kontraktuar nga Leonidha Çobo e shpalli ankandin. Në përfundim të tij, skrapi iu shit kompanisë Shkëlqimi 07, kompanisë në pronësi të ish kryetarit të bashkisë së Ballshit, Shkëlqim Kapllanaj, me një çmim sa gjysma e çmimit të këtij produkti në treg.
Vlera totale e skrapit që mori kjo kompani ishte 1.2 milionë euro. Por ajo i pagoi përmbaruesit vetëm 600 mijë euro, aq sa borxhi që Bankers duhet t’i paguante Leonidha Çobos.
Marrë nga Newsbomb.al
