KthjellKthjellKthjell
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
© 2024 Kthjell. All Rights Reserved.
Leximi: Gjoni, “shpëtimtari” digjital nga korrupsioni
Share
Njoftim Shfaq më shumë
Ndryshimi i madhësisë së shkronjaveAa
KthjellKthjell
Ndryshimi i madhësisë së shkronjaveAa
  • Editorial
  • Politike
  • Bota
  • Ekonomi
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Follow US
© 2024 Kthjell. All Rights Reserved.
Kthjell > Blog > Politike > Aktuale > Gjoni, “shpëtimtari” digjital nga korrupsioni
AktualeAnalizeFokusHI-TechKorrupsionKryesore

Gjoni, “shpëtimtari” digjital nga korrupsioni

Përditësimi i fundit: 19 Nëntor, 2026 10:37 am
129 Shikime
Share
6 Min. Leximi
SHARE

Pas “Diellës”, një tjetër asistent virtual pritet t’i bashkohet administratës shqiptare, këtë herë për të ndihmuar në kontrollin e tenderave publikë: “Gjoni”.

Ai është pjesë e modelit të ri të prokurimeve që kryeministri Edi Rama prezantoi më 17 nëntor, nën premtimin për më shumë transparencë, konkurrencë dhe kontroll mbi mënyrën se si shpenzohen fondet publike.

“Kam besim që kur Diella bashkë me Gjonin, është dhe Gjoni që do të shfaqet së shpejti në këtë fushë, i cili do të merret specifikisht me një sërë procesesh të prokurimeve, … do të fillojë të krijohet dhe bindja që po, ka fitues me të drejtë dhe ka humbës me meritë”, deklaroi Rama.

Ndërsa qeveria nxjerr sërish nga mënga inteligjencën artificiale si zgjidhje për problematikat e prokurimeve publike, vetëm dy javë më parë Komisioni Evropian evidentoi në Progres-Raportin 2026 se sistemi vijon të përballet me konkurrencë të kufizuar, një numër të lartë procedurash të anuluara dhe mangësi në parandalimin e korrupsionit.

Gjatë prezantimit të modelit të ri të Prokurimit të Përqendruar, Rama tha se inteligjenca artificiale do të përfshihet në hartimin e dokumentacionit, përcaktimin e fondeve limit, analizimin e rreziqeve dhe vlerësimin e ofertave.

Sipas kryeministrit, kjo do t’u mundësojë bizneseve të marrin pjesë në tendera pa qenë të detyruara të sigurojnë dokumentacion nga institucione të ndryshme, ndërsa vendimmarrja përfundimtare do të mbetet në duart e njerëzve.

Pavarësisht rezervave të Brukselit për këtë sektor, Rama deklaroi se Shqipëria është vendi më i vlerësuar në rajon nga SIGMA për prokurimet publike, duke vënë në pah një krahasim me 14 vite më parë, se procedurat me negocim pa shpallje paraprake kanë rënë nga 31% në 2012, në 2,4% gjatë vitit 2025.

Megjithatë, treguesit e tjerë të sektorit paraqesin një tablo jo aq optimiste.

Në kapitullin 5, që trajton prokurimet publike, Komisioni Evropian e vlerëson Shqipërinë mes nivelit mesatar dhe të mirë të përgatitjes, duke konstatuar njëfarë përparimi gjatë periudhës së raportimit, që lidhet kryesisht me miratimin e ligjit të ri për koncesionet dhe partneritetet publike-private, ndërsa rekomandimet e vitit të kaluar konsiderohen vetëm pjesërisht të zbatuara.

“Kuadri ligjor për prokurimet publike është kryesisht i përafruar me legjislacionin e BE-së. Disa mangësi të rëndësishme mbeten ende për t’u adresuar”, thuhet në raport.

Megjithatë, rezultatet e mira kufizohen në përafrimin ligjor, duke mos u shoqëruar me të njëjtin përmirësim në funksionimin e sistemit, ku Komisioni Evropian vijon të evidentojë probleme me konkurrencën, transparencën dhe integritetin e procedurave.

Sipas të dhënave të Komisionit Evropian, gjatë vitit 2025, gati një në katër tendera publikë në Shqipëri iu dha një operatori ekonomik që konkurronte i vetëm, ndërsa përqindja rritet prej 23,5% në 29% për procedurat me vlerë të lartë.Raporti evidenton gjithashtu se 38% e procedurave të prokurimit u anuluan, një tregues që vijon të mbetet i lartë.

Për Brukselin, këto problematika kërkojnë forcimin e konkurrencës dhe të kapaciteteve të institucioneve përgjegjëse.

“Shqipëria duhet të vazhdojë përpjekjet për të përmirësuar procedurat konkurruese të prokurimit dhe për të garantuar integritetin e funksionit të prokurimit”, rekomandon Komisioni Evropian.

Por kjo nuk është hera e parë që transformimi i prokurimeve publike premtohet nga Rama nëpërmjet inteligjencës artificiale.

Në maj të këtij viti, gjatë një konference kushtuar kapitullit 5 të negociatave me Bashkimin Evropian, kryeministri e shpalli Shqipërinë vendin e parë në rajon për prokurimet publike, ndërsa paralajmëroi përfshirjen e “Diellës” në një sistem të ri elektronik tenderimi.

Edhe asokohe, deklaratat optimiste të qeverisë binin ndesh me problematikat e dokumentuara nga institucionet. Sipas të dhënave të Komisionit të Prokurimit Publik për vitin 2025, nga 94 tendera të zhvilluar nga AKSHI, 43 ishin ankimuar, ndërsa në mbi 60% të rasteve të shqyrtuara ishin konstatuar shkelje dhe ishin pranuar plotësisht ose pjesërisht ankesat e operatorëve ekonomikë.

Në total, gjatë vitit 2025, në Komisionin e Prokurimit Publik u regjistruan mbi 1,100 ankesa, ndërsa rreth gjysma e tyre u konsideruan të bazuara, duke përfshirë procedura me një vlerë të konsiderueshme financiare, prej 343 milionë eurosh.

Edhe raporti vjetor i SPAK për vitin 2025 evidentoi problematikat e prokurimeve publike, me hetime për manipulime të tenderave në faza të ndryshme të procedurave, nga përgatitja e dokumentacionit deri te shpallja e fituesit.

Në një sektor ku tenderat publikë janë bërë objekt hetimesh ndaj kryebashkiakëve dhe zyrtarëve të tjerë, si dhe janë shoqëruar me raste të rënda konfliktesh mes biznesmenëve, deklaratat e përsëritura të kryeministrit për përparimin e Shqipërisë në prokurimet publike përballen me një realitet më problematik.

Kësisoj, ndërsa qeveria prezanton një tjetër asistent virtual për kontrollin e tenderave, mbetet për t’u parë nëse përdorimi i inteligjencës artificiale do të arrijë të adresojë problematikat që Komisioni Evropian dhe institucionet vendase vijojnë të evidentojnë në funksionimin e sistemit të prokurimeve publike.

 

Marrë nga Shteg.org

Ju gjithashtu mund të pëlqeni

Po kërkonte rrugë të re për kokainën, dështon plani i mafies shqiptare në Spanjë

Valë demonstratash në të gjithë Evropën, kundër kostos së jetesës

Diplomati italian: Plan për koloni izraelite në Itali, Shqipëri dhe Qipro

Mrekullia fiskale e Gonxhes: Taksa nuk dihet sa do të jetë, por shqiptarët do të dalin me fitim

ARRSH-ja hap 180 milionë euro tendera, në një ditë të vetme

Share This Article
Facebook Twitter Whatsapp Whatsapp LinkedIn Telegram Kopjo lidhjen Print
Share
Artikulli i mëparshëm Siguria e punëtorëve të tekstilit në rrezik, aksion para Sinsay në Durrës
Artikulli tjetër ERRU miraton çmimet e reja të ujit sipas fashave/ Shtrenjtim deri në 4-fish

Na ndiqni në rrjetet sociale

FacebookLike
InstagramFollow
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image

Më të fundit

Rafineria e Fierit fitoi 5.7 milionë euro në një vit, por kurseu filtrat duke helmuar qytetin
Analize Finance Kryesore Opinion Sociale Zhvillim 20 Nëntor, 2026
RAI: Mbi 60 mijë italianë çdo vit në Shqipëri për “turizëm dentar”
Analize Kryesore Opinion Sociale Zhvillim 20 Nëntor, 2026
Udhëkryqi i Reformës së re të Pensioneve
Analize Fokus Kryesore Opinion Sociale 20 Nëntor, 2026
Prokuroria e Vlorës konfiskon 16 milionë euro pasuri të familjarëve të Artur Shehut
Aktuale Analize Fokus Kryesore Sociale 20 Nëntor, 2026
//

Kthjell është revista juaj online e lajmeve që ofron përmbajtje tërheqëse dhe informuese për çdo interes. Qëndroni të përditësuar me zhvillimet më të fundit në teknologji dhe shkencë, merrni frymëzim për dizajnin dhe dekorimin e ambienteve, dhe përmirësoni jetën tuaj me këshilla të ekspertëve për mirëqenien personale. Zhytuni në botën e pasur të artit dhe kulturës, eksploroni destinacione të reja udhëtimi dhe mësoni shumë më tepër. Kthjell është porta juaj për të zbuluar, për t’u informuar dhe për t’u frymëzuar çdo ditë. Bashkohuni me ne në këtë udhëtim të vazhdueshëm eksplorimi dhe zbulimi.

KthjellKthjell
Follow US
© 2024 Kthjell. All Rights Reserved.