Denzel Washington u bë prift i licencuar në Kishën ‘Kelly Temple of God, in Christ’ në Nju Jork, një moment që shënoi një ngjarje të rëndësishme në jetën e tij shpirtërore. Kryepeshkopi Christopher Bryant ndau lajmin në Facebook, duke shpallur se aktori 69-vjeçar ishte pagëzuar dhe kishte marrë licencën për të shërbyer si prift.
Në fjalën e tij pas ceremonisë, Denzel ndau disa mendime personale, duke përmendur nënën e tij, e cila i kishte thënë se shpërblimi vjen nga Zoti dhe jo nga çmimet, si dhe një parashikim që një grua, Ruth Green, kishte bërë kur ai ishte 20 vjeç, duke thënë se ai do të predikonte për miliona njerëz.
Denzel përfundoi me një mesazh të fuqishëm, duke thënë se, nëse Zoti mund të bëjë diçka të madhe për të, nuk ka asgjë që Ai nuk mund të bëjë për të tjerët, duke theksuar se “Qielli është fjalë për fjalë kufiri.”
