Rikthimi i shumëpritur i filmit të animuar “Shrek” është konfirmuar së bashku me pjesëmarrjen e Mike Myers, Eddie Murphy dhe Cameron Diaz. Ideja e filmit nuk është zbuluar ende, por deri më tani dihet se Myers do të luajë personazhin kryesor pra Shrek, Diaz do të jetë Princeshë Fiona dhe Murphy do të kthehet në rolin e gomarit.
Duke njoftuar lajmin, ‘DreamWorks Animation’ tha në X: Jo shumë larg, larg… Shrek 5 do të dalë në kinema më 1 korrik 2026 me Mike Myers, Eddie Murphy dhe Cameron Diaz.
Filmi i parë u publikua në vitin 2001 dhe fitoi Oscarin e parë për filmin më të mirë të animuar artistik. Ishte një hit i madh për DreamWorks, duke fituar 487 milionë dollarë në mbarë botën.
Shrek 2 u publikua në vitin 2004, Shrek The Third doli në 2007 dhe Shrek Forever After u shfaq në kinema në 2010. Shrek 5 në fakt do të jetë filmi i shtatë, pasi personazhi i Antonio Banderas pati dy filma spin-off – Puss In Boots dhe Puss In Boots: The Last Wish.
Nuk dihet nëse Bandreas do të kthehet në Shrek 5.
Murphy la të kuptohet në një intervistë me Collider muajin e kaluar se gomari gjithashtu mund të ketë filmin e tij spin-off. Ai tha gjithashtu se puna për Shrek 5 filloi muaj më parë.
