Pas një gjyqi që zgjati një muaj një gjykatë në Bangladesh, dënoi me vdekje ish-kryeministren Sheikh Hasina, për krime kundër njerëzimit. Kjo pasi ajo u shpall fajtore për urdhërimin e shtypjes së përgjakshme të protestave studentore vitin e kaluar.
78-vjeçarja u gjykua në mungesë me akuzat për krime kundër njerëzimit në lidhje me shtypjen e dhunshme të protestave studentore në mesin e vitit 2024. Ajo është në Indi, ku iku pasi u rrëzua nga pushteti në gusht të vitit të kaluar.
Po ashtu pritet të merret vendim edhe për dy nga bashkëpunëtorët e saj ish-ministrin e brendshëm Asaduzzaman Khan dhe ish-shefin e policisë Abdullah Al Mamun të cilët përballen me të njëjtat akuza.
Në një protestë, partia e Hasinës, Lidhja Aëami e Bangladeshit, e cila u shpall e paligjshme nga qeveria e përkohshme, bëri thirrje për një izolim dy-ditor në të gjithë vendin dhe e ka denoncuar gjyqin si të motivuar politikisht. Kjo situatë u shoqërua me raportime për shpërthime bombash, sulme zjarrvënëse ndaj autobusëve dhe bizneseve dhe protesta në zona të ndryshme, përfshirë kryeqytetin.
Marrë nga BBC
