Gjykata Kushtetuese në Maqedoninë e Veriut pritet të japë në 11 dhjetor vendimin për ligjin për gjuhët.
Pak ditë para këtij vendimi, një nga liderët e koalicionit VLEN, Arben Taravari, në një prononcim për media foli për situatën aktuale të krijuar në vend. Ai theksoi se gjithë kjo katrahurë është si pasojë e papërgjegjshme nga qeveria e kaluar.
Sipas tij, kjo që bën Gjykata Kushtetuese është jashtë logjike dhe jashtë çdo norme njerëzore. “Më gëzon fakti shumë që gjykatësit shqiptarë do ta bojkotojnë këtë seancë, sepse kjo që bën Gjykata Kushtetuese është jashtë çdo logjike dhe jashtë çdo norme. Nëse merret një vendim që duhet të revidohet komplet ligji, kjo do të jetë situatë jo e mirë për shqiptarët por edhe për tërë vendin”, tha Taravari.
Ai gjithashtu theksoi që dy popujt që krijojnë shtyllën e stabilitetit në vend janë populli shqiptarë dhe maqedonas, që së bashku janë 90%. “Çdo raport jo i mirë mes këtyre dy popujve krijon telashe në gjithë vendin”, tha ai.
Ndërkohë në rrjetet sociale ka nisur një fushatë intestive e shqiptarëve të cilët kanë dalë me parrulat “Mos ma prek gjuhën shqipe”.
Marrë nga Top Channel
