Kryeministri Edi Rama ka deklaruar se Samiti i NATO-s nuk do të zhvillohet në Tiranë në vitin 2027.
Gjatë komunikimit me gazetarët në mbërritje të Samitit të 9-të të Komunitetit Politik Europian në Irlandë, Rama u shpreh Shqipëria është projektuar si vendi mikpritës i samitit të ardhshëm, por ende nuk ka një dakordësi përfundimtare për datën e organizimit e tij.
Më tej ai theksoi se nëse zhvillohet në vitin 2028, Tirana do të jetë me siguri mikpritësja e këtij eventi të rëndësishëm ndërkombëtar.
Rama komentoi edhe pritjen me vezë nga disa shqiptarë në Dublin, duke e cilësuar incidentin si pjesë të demokracisë.
Në lidhje me këtë ai tha se pavarësisht incidentit, në Irlandë është ndier i mirëpritur.
Ai u shpreh se disa shqiptarë kishin zgjedhur ta prisnin në një mënyrë ndryshe, ndërsa shtoi se kjo është demokraci.
I pyetur nga gazetarët për protestat masive që kanë përfshirë vendin, Rama tha se nuk ndihet i dëshpëruar, pasi populli shqiptar i ka dhënë një mandat shumë të fortë për ta udhëhequr vendin drejt Bashkimit Evropian.
Në fund, ai foli edhe për projektin në Sazan dhe Zvërnec. Në lidhje me këtë, lideri i qeverisë tha se nuk ka asnjë marrëdhënie biznesi me Jared Kushnerin, duke theksuar se ai është një prej investitorëve të shumtë që kanë shfaqur interes për të investuar në Shqipëri.
Rama bëri të ditur se aktualisht po zhvillohen bisedime me grupin e Kushnerit, të cilin e cilësoi si një grup të madh me qëllime shumë të mira.
Më tej, kryeqeveritari hodhi poshtë pretendimet e mediave ndërkombëtare se një ishull në Shqipëri i është dhënë Kushnerit, duke i cilësuar ato si të pavërteta.
Marrë nga Dosja.al