Kryeministri Edi Rama ka njoftuar se janë hapur 5 mijë vende pune. Përmes një postimi në rrjetin e tij social, Facebook, Rama u ka bërë thirrje të gjithë atyre që janë në kërkim të një pune, që të aplikojnë në Platformën Kombëtare të Punësimit.
Gjithashtu Rama ka treguar edhe hapat që duhet të ndjekin për të gjithë të interesuarit për një vend pune.
Ndërkohë, kreu i qeverisë u ka bërë thirrje edhe të gjithë atyre që janë punëdhënës, për t’u futur në këtë platformë dhe për të regjistruar vendet e lira të punës që ata ofrojnë.
