Progres-raporti i Komisionit Evropian për Shqipërinë është publikuar ditën e sotme.
Ky progres-raport, fokusohet më së shumti të zgjedhjet që u mbajtën më 11 maj, ku fitoi mandatin e 4 partia në pushtet.
Në raport thuhet se zgjedhjet janë mbajtur në kushte të pabarabarta për shkak të favorizimit të partisë në pushtet.
Më tej bëhet me dije se qeveria ka abuzuar me burimet publike në zgjedhje. • Më tej në progres-raport theksohet se procesi i integrimit në BE duhet të jetë gjithëpërfshirës.
Në raport bëhet me dije se procesi i integrimit duhet që të mbështetet nga të gjitha palët politike dhe nga mekanizma efektivë konsultimi.
Po ashtu bëhet me dije se përpjekjet e komunikimit për integrimin në BE duhet të intensifikohen.
Përsa i përket Reformës zgjedhore, Progres-raporti i KE nënvizon se nevojitet një reformë gjithëpërfshirëse.
Në raport thuhet gjithashtu se Parlamenti pengohet nga mbikëqyrja e kufizuar mbi ekzekutivin, ndërsa politizimi i emërimeve parlamentare në pozicione të larta në organet kushtetuese ose institucionet e pavarura të krijuara me ligj mbetet një problem serioz.
Më tej raporti thekson se u vunë re shqetësime në lidhje me punën, metodologjinë dhe ndikimin e komisionit parlamentar ad hoc për thellimin e reformave për qeverisje të mirë, sundimin e ligjit dhe antikorrupsionin.
Marrë nga Dosja.al
