Një emigrant që ka votuar me postë nga Italia, i regjistruar si pjesë e diasporës, thotë se ditët e fundit është rikthyer në Shqipëri dhe e ka gjetur emrin përsëri në listë. Ai është ankuar në rrjetet sociale dhe emisioni Piranjat i ka dhënë zë rastit.
“Si emigrant ne Itali, mua me vjen fleta e votimit votoj e postoj mbaroj pune. Tani kam 2 dite kam ardh ne Shqiperi, shoh emrin ne listë ne qendren e votimit. Si mendoni ju a nuk duhet te votoj edhe tek qendra e votimit. Jo per gje po qelepir pune e madhe se votoj 2 here.
(p.s ishte shembull marre shkase nga emrat e emigranteve me pashaportizim ne Itali dhe qe kane emrin edhe ketu ne qendrat e votimit) A nuk duhet te ishin hequr emrat qe kane votuar me poste? S’ka gje dyfishojme votat. Apo ndofta i kane lene emrat thjesht per tu duk qe ka votues”, shkruan qytetari, i identifikuar si Gëzim Lalo.
Për rastin ka reaguar dhe Komisioni Qendror i Zgjedhjeve. Stafi i kryekomisionerit Ilirjan Celibashi është përgjigjur në Facebook dhe thotë se asnjë person nuk mund të votojë dy herë, sipas ligjit.
“Piranjat, Stafi i medias sociale ju kontakton ne emer te KSHZ Celibashi. Asnje person nuk mund te votoje dot dy here sipas ligjit. Me kaq te dhena qe kemi (Emer Mbiemer) ne rrjete sociale nuk e identifikojme dot, ndaj ju lutemi te na vendosni ne kontakt qe te dhenat e nevojshme te na ofrohen prej tij. Faleminderit nga KQZ Shqiperi”, thuhet në reagim.
Më herët, Partia Demokratike i ka kërkuar sqarim KQZ pasi edhe emigrantë të tjerë të regjistruar si pjesë e diasporës, janë shprehur se e kanë gjetur emrin e tyre në listat zgjedhore të publikuara në Shqipëri. Mbetet për tu parë nëse kemi të bëjmë me një anomali të procesit apo janë vetëm raste të izoluara.
Marrë nga Syri.net
