Ylli i basketbollit, LeBron James, nuk do të jetë në pesëshet startuese në ndeshjen e yjeve të NBA-së, All-Star. Kështu i vjen fundit rekordit të Jamesit pre 21 përzgjedhjeve rresht si startues në ndeshjen e yjeve.
NBA-ja publikoi të hënën emrat e dhjetë lojtarëve që morën më së shumti vota për të startuar. Dhe James nuk është në mesin e tyre. Kjo nuk i ka ndodhur që prej edicionit të parë në NBA.
LeBron James mungoi vitin e kaluar në ndeshjen All-Star për shkak të një lëndimi. Ishte hera e parë që ishte përzgjedhur dhe kishte munguar në ndeshjen e yjeve.
Pesëshet startuese caktohen me votat e tifozëve, që vlejnë 50 për qind. Nga 25 për qind vendosë vlerësimi i lojtarëve të NBA-së dhe një panel i mediave.
James është katër herë kampion në NBA dhe shënuesi më i mirë në histori. Në mospërzgjedhjen e Jamesit ka ndikuar mungesa e tij në fillim të edicionit për shkak të lëndimit.
Ai ende mund të përzgjedhet si rezervist.
Trajnerët e NBA-së do të caktojnë shtatë rezervistët nga secila konferencë.
All-Stari zhvillohet më 15 shkurt në Los Angeles.
Në ekipet startuese janë, te Perëndimi: Steph Curry, Luka Donçiq, Shai Gilgeous-Alexander, Nikola Jokiq dhe Victor Wembanyama.
Te Lindja: Giannis Antetokounmpo, Jaylen Brown, Jalen Brunson, Cade Cunningham dhe Tryese Maxey.
Marrë nga ESPN
